Pope Leo XIV ih March thla hrang thlacam tumtah mi cu hriamhrei tel lo in remdaihnak tuah dingah tiah tumtah. (March 05, 2026)
Pope ih tui thla hrang thlacam tumtah mi cu “Hriamhrei ret ih remdaihnak hrangah a si. Pope Leo in tui thla hrangih a suah mi Pope ih Video ah zumtu pawl hnen hi mi tumtah mi hrangah thlacam dingah a rak sawm. Cui thlacam tumtah mi cu leitlun Catholic Pawlpi zaten ah Pope ih Worldwide Prayer Network ihsin than ih theh darh a si.
Pope in a thlacam thawhnakah Bawipai hmel cuangih sersiam mi kan si thu mangsal in a rak sim. Cuihlei ah Pathian in minung cu raldo nak hrang silo in bangran ten pawl aw dingah le siatsuah dingah silo in unau khat le khat duhdawt aw dingah” in sersiam thu khal thupi in a rak sim.
Nanmah hnenah remdaihnak um hram seh” ti ih a dungthluntu pawl cibai a rak buk tu Pathian, nangmai remdaihnak laksawng kha kan mah in pe awla, cui remdaihnak cu a tu kan hnenah thleng dingah a tul mi thazaang khal in pe hram aw.
“Tuiniah kanmah pawl cu leitlun remdaihnak hrangih kan thlacamnak cu in sang hram aw. Rampi pawl dinhmun in hriamhrei pawl ret in thurel tlangnak le ram khat le ram khat khawkhan lairelnak ti daan kha hril thiam dingah thla kan cam a si” tiah Pope Leo XIV in a rak si.
Bawipa in kan thinlungih thinhengnak, thintoknak le ziangsiar lo ih umnak pawl kha hriamhrei ret dingah Pathian hnen bomnak pe dingah kan dil ih kan mah pawl cu lungrualnak ih hmarua si ding khalah thla ka rak cam.
“A hmanmi himnak cu tihphan nak in tuahtheinakah kaihawknak in a ra lo, miphun karlakih rinawk nak le rualremnak a um lawngah a ngah thei thu kha thei thiam thei dingah in bawm aw tiah Pope Leo XIV in thupit in a rak sim.
Pope in ramuk tu pawl hnen Pathian in tleunak pe dingah thla a rak cam ih an mah dinhmun khal in thih theinak pawl timtuahnak pawl hrial in tan dingah, hriamhrei zuamawk nak cawl dingah, humhimnak nei lo tu pawl ih nunnak kha a laifannak ah ret in zuam dingah tiah thla a rak cam.
Nuclear tihnung za hriampi cu minung cithlah pawl ih hmailam sankhal ah tuah lo dingah tiah a rak sim bet.
Cuihlei ah Pope in Pathian ih in pek mi thiangthlarau in kan hnenah kan mai kiangkap pawlkom, innsang, khuapi pawl le thinlungah nitin remdaihnak kha rinumnak thawn tuah theinak um mi a din theitu pawl si dingah thla arak cam.
Netabikah Pope in theih theinak ruahnak thawn tongkam tinah, lungrual nak hrang tuahnak tinah le thurel tlangnak ding hrangih hrilnak kan nei tinten leilungpi thar thawn a pehpar awknak a si theinak dingah thla a rak cam.
“Pope thawn thlacam aw” Pope ih thlatin thlacam tumtahnak kha Leitlun hmun tinah thehdarh dingah tumtah mi ramtin kim thawn pehpar mi a si.
Hi mi thlacam tumtahnak cu Pope ih worldwide Prayer network in thlah mi a si ih hi mi thu hi Society of Jesus hrangah pawlkom pakhat dinhmun in tuanvo pek mi Pontifical Work a si.
Hi mi tuahnak cu 1844 kumah Apostleship of Prayer dinhmun in rak din mi a si. 2020 kum December thla ah Pope Francis in hi Pontifical hnatuannak kha Vatican foundation dinhmun ah a rak tuah ih 2024 kum July thla ah neta bik ngamhnget nak an rak nei.
2016 kum thok in Pope thawn thlacam aw ti mi caanserh cu Vatican ih social media zate ah 247 million luan in an rak zoh ih ttong 23 luan in an mai ttongin an leh a si. Cuihlei ah 114 ram ah thuthang media pawl in an rak thla mi a si.
Pope ih worldwide Prayer Network cu minung hrin zaten ton mi buainak pawl le Pawlpi mission hnatuannak ah Catholic zumtu pawl thlacamnak le tuahnak ihsin thangphawknak le ngaihvennak a si. Hi mi thuthang cu Vatican thuthangin kan don mi a si.
