Bazaar sungah nikhat cu kutdawh pakhat kut a dawh rero lai kha ka hmu. Kut dawh ih a um dan cu a danglang zet.

“In zaangfah uh paisa in then uhla cule nan um nak address khal in pek cih uh” tin a dil.

A hmai ih a ret mi khuat sungih paisa a rak thla tu hmuahhmuah in an um  nak hmun a sut ih cauk thawn a hminsin.

Asinan mi tampi cun inn tiang in ra dil pang ding ti phang in paisa zianghman an pek duh lo.

Hrekkhat cun an zaangfah ih an pe. A reihlan ah a khuat cu a laih tuite ih paisa a rak pe tu pawl ih inn cu feh in an rak pek mi paisa ih a let thawngkhat in a va pek hai.

Hi thuhla cu reilo te ah bazaar sungah a thang cih. Cupa cu miin an reisia ih a phun phun in an rel.

A thaizing ah bazaar ih cuihmun thotho ah kut a dawh lala. Cuini ah cu a hnen ih paisa a ret tum tu an tam zet.

An pek mi paisa khal thawngkhat ca pawl, thawngnga ca pawl, thawnghra ca pawl an ret ciamco vekin sui pawl thil mankhung pawl khal an ret.

Asinan a thaizing ihsi thok in cui bazaar ih kut a dawh cu zohman in an hmu nawn lo asi.

Credit to owner with respect