Hnatuan tu pawl thinhar nak petu a par lam Bawi pawl ih tidan pasarih

1.Tlunlam thuneih nak duh tuk nak

          Kuttang hantuan pawl kha hmuhsuam ih pawlkom in hngal tuk khal le hnatuan tu pawl an thinnau thei.

2.Duh bul nei ih pehtlainak

       Maiduh deuh mi cu mithmai tha pek nak. Hmuhdaan a that lo le zianghman in rellonak ruangah hnatuan tu pawl in hna kha an upat nawn lo.

3.Thinlung ih um mi vek in tuah nak, uknak

       Kan mah lawngah  thinhengnak pawl a um mi a si lo. Remcan  lo caanah hnatuan tu pawl kha awkaa hrangbia, kawk ti vek pawl ruang khal ah hnatuan tu pawl an beidong thei theu.

4.Tumpi ih thu karhter (tumter) nak

       Mawhnak fa tete kha tum ter ih ttong ti pawl, a vate bik ihsin pakhat teten sim rero khal le hnatuan tu pawl ih thin a bang ter thei.

5.A thupi lo mi ah metting tu le tu kawh nak

      Metting timi cu hnatuan tu pawl a thupi mi theih ter nak culole thuthen cat ding a tul caan ah an ko tin lawng theih asi. Metting timi pakhat kha upat ding mi thil tin theih asi nan a thupi lo mi metting pawl tu le tu kawh tikah hnatuan tu pawl an hna par ah an ning pang thei.

6.Theihsak lo nak

      Tipalh nak pawl cu kutzung sawhkhih in na kawk ciamco nan an zuam nak an hlawhtlin nak pawl na theih sak lo tikah hnapar ih an ret mi an thinlung kha mal teten a hlo vivo thei.

7.A cekci thu neih lo nak

      Pakhatkhat ah ti fukfo lo. Khi vek thlu, hi vek thlul ih a um tu upa Bawi upa  pawl ruangah hnatuan nak ih hnatuan tu pawl an sung thei. Thukam hnu ah thukam mi pelh nak pawl simvekih tuahsak lole hnatuan tu pawl an nuam lo ding a si.