January 4
Mithianghlim Elizabeth Ann Seton (1774 -1821)
American miphun sungih a hmaisabik Mithianghlim a si mi Mithianghlim Elizabeth Ann Seton cu miliang zet mi protestant sungkua sungin kum 1774 ah New York khuapi ah a rak suak. Kum 1794 ah William Seton thawn an tho awk ih fa panga an nei.
Kum 1803 ah Italy ram, Lybawnu khupi ih khual a tlawn laiah William in a rak thih san. Catholic a rualpi pawl ih lamhruainak in Elizabeth in Catholic daan pawl a rak duh thok. Protestant a rualpi pawl ih nasa zet ih an dodal nak in kum 1805 ah Catholic pakhat ah a rak cang.
Kum thum a rei hnu ah Batimuu khuapi ah lailak tlawng (Middle school) a rak din ih kum 1809 ah Mary lamzin ih um Imibach ah neta ih Mithianghlim Joseph ih duhdawtnak thawn unau pawl kaing” a cang ding mi hmaisabik inn a rak sak.
A mah cu hmaisa bik hotu ah an rak hril ih hi tuanvo cu a thih kum, kum 1821 tiang a rak tuan ih Mithianghlim Vincent de Paul ih “Duhdawtnak Falam thianghlim Kaing” in daan pawl an cawng ih Mithainghlim Elizabetha ih rak din mi “Duhdawtnak unau pawl” tinmi kaing cu America ah Diocese ih bawm mi fimthiamnak tlawng a rak din thok.
