December 13
Mitcaw pawl a rak bawmtu Mithianghlim Lucy cu kumzabi pathum hrawngah Italy ram thawn pehpar mi Syracuse ah a rak suak.
A nauhak lai in Falahim a rak upat zet ih Bawi Jesuh hnenah a thup ten a rak ap aw.
Syracuse khuapiih a mah rak aatcilh tu pakhat cu a mahthawn elawknak ruangah ningzak thinheng in Lucy Christian pakhat a si thu a rak phuang.
Hi thilcang a thlencaan cu kum 304, Diocletion pawl in Christian pawl an rak hrem caan ah a si.
A zumnak siat ral ter dingah thuthentu in hlawhhlang inn ih sual tuah dingah lawngfangkheh in a feh ter.
Asinain Pathian in a thinlung thleng lo dingin a rak bawm ih hnaihnoknak cu a rak neh. Cu vek thotho in meisa thawn an ur zik khal ah cui hnaihnoknak khal in a rak neh thei lo.
Curuangah a hrekkhat ralkap pawl in Lucy ih mit an rak phorh sak. Asinain mangbangzet in a hlan hnak in a moi deuhdeuh.
Netabik ah cun a dang ah naamsau pi thawn anr ak dawt ih a thi. Cui sinthok in Mithianghlim Lucy cu pawlpi ih hminthang zet mi Mithianghlim ah a rak cang lan ta.
