Pa le pawl ih duhdawtnak timi cu-

1. Pai duhnak cu fale harhdam nak ding hrangah um lo theih lo ih a tul zia cu mitin ih theih mi asi.

2. Cu mi “Pa” timi hmin cu duhdawtnak timi san a nei asi.

3. Cui duhdawtnak cu Pathian in fate pawl in tul dingin a tuah ih Nu le pa in cui dawtnak pek thei dingin a tuah cih a si.

4. Pai duhdawtnak cu a dik ih a famkim mi duhdawt nak asi.

5. Pai duhdawt nak cu zangfah nak asi ih pekhlan duhnak khal asi.

6. Pai duhdawtnak cu cemni nei lo mi kumkhua a hmun ringring mi asi.

7. Pa timi cu a duhdawtnak kha a lang ter thiam lo tu pa pakhat asi.

8. Asinan a zawnruatnak le a mi kilhim dan cu kan nih fale pawl in kan hmu ko nan a thupi kan ret lo.

9. Asinan Pa timi cu lamzin dik in hmuh ringring asi.

10. Pa timi cu fale parah duhdawtnak, zawnruahnak, thudik pawl thawn in sawmdawl ko nan, nunsimtu upat ding hnakin kan hua sawn.

11. Asinan Pai nunsim nak upat ttihzah athiam tu fale cu an nunram ah “ an farah dah lo.”

12. Pa timi cu thil fate ihsin thil ziangkim bawmtu asi nan lungawi thusim le a thupit ding hna kan thiam lo.

13. Asinan fale hrangah Nu le Pai duhdawt nak hnakin a tum sawn mi duhdawtnak hi leitlun ah hawl hmuh ding aum lo.

14. Curuangah Pa le pawl ih duhdawtnak cu fale pawl hrangah kumkhua Pathian ih a tum bik mi laksawng asi.

“Pa” timi tongfang cu “daihnem” ti asi ih fale hrangah cawldamnak daihnem ti asi.