- Paisa khawl aw.
Mai hlawh man ih a mal bik thenhra thenkhat kha mai khawl ding mi ah dang cia aw. Mai hman dingah re pang hlah.
- Mai hman ding, hman cop kha rikhiah nei aw.
Duh mi le tul mi kha thleidang thiam aw. Hman ding le cen ding mi paisa kha thleidang thiam aw.
- Na khawl mi paisa kha karh dingin tuah aw.
- A ol zawng le paisa ngah zang dingih karh ter aiin dik zet le hman zet in nuam teten zuam aw.
- Mai bulpak inn sak thei dingin zuam aw.
- Sumlut nei ringring aw.
Sumlut a mal khal ah siseh a tam khalah siseh thenhra ih thenkhat cu khawl tengteng aw. Hmailam caan saupi hrangah timtuah nak nei cia aw.
- Mai thil ti theinak kha thang ter aw.
Sumlut tamsinsin dingin zuam aw. Mi pakhat cu a thangso ringring a tul a si. Hnatuan ah thiam sinsin dingin zingzoi aw. Mai thil ti thei nak thang sinsin dingin, mi tihzah upat tlak si dingin um tlan dan le si nak kha kil tha aw.
- Mibawm aw asinan thuruah ciamco in mi bawm aw.
A mai thilrit kha mai zang par ih a tlak lo nak dingah ral ring aw. Sir aw lo dingin a hlan khan in ruat ciamciam ta aw.
- Caan cem lak ternak ziaza kha rem aw.
Caan remcang kha hngakhlah. Caan tha ti mi cu ruahnak le zumnak thawi hnatuan zuam kha a si.
- Hnatuan aw.
Hnatuan cu mipakhat ih man a si. Hnatuan a si le sinak a famkim mi mipakhat a cang ter a si. Zo zo ih an lo theih sak khal le, an lo theih sak lo khal le ruat buai hlah. Hnatuan fumfe tei neih cu ziangti ziangti khal in tha nak mi a thlen a si.
Hi ca cu leitlun har nak lak ih a zuam rero tui hrangah thazang thar, tharthoh nak thar mi a pe a si.
Paisa khawl duh tu hrangah paisa khawl dan le hnatuan nak ih thin bang le thinhar rero tui hrang siar ding ca tha a si.
Hi ca cu hnatuan thuhla, paisa thuhla ih ruahdan, hmuhdan thleng aw ter in ton rero lai ding mi thaizing kha ngamhuai nak mi a pe a si.
Credit to owner with respect
