Kaa (Hmur) kilkhawi lole siatral ol te

Veikhat laiah Khua pakhat ah mi pakhat ih that lonak thu rel siat theutu nupinu pakhat a rak um. A nih in midang ih famkim lonak, that lonak pawl kha hawl in thuporh in a sim theu vekin a nel zet mi a rualpi pawl lak ah thu leklo hmangin thu phuahcom in rel sin vivo in a rak um theu. A caan caan ah khua upa pawl in an ko ih thu an suh caan a um theu.

Ziangvekin buainak phun kim tong hman sehla, cui nupi nu in mi thu sia rel ih nautatnak cu a cawl thei hrimhrim lo. A mai ziaza a theitu kiangkap pawl cun rualpi hman ah an kom duh nawn lo nan a mah cu thlengaw duh lo in a rak um. A hlan vek thotho in buainak le mithu siarel nak in a rak khat.

Cui khua uktu khuabawi cu nupinu ih tuah mi buainak ruangah a beidong zet. Netabikah khuabawipa in nunsim le ngah lo, daan thu thawn ralrin pek khal a ngah lo tu nupinu kha a mah hnak ih sangdeuh bawi hnenah a rak ap.

Cui bawi pakhat khal in hei nupinu mi that lonak thu rel hlah, khat le khat hua aw dingin thu sim hlah hi ti vekih na tuah le khua in kan lo dawi ding tiah thu a rak suah. Cutikah thusia rel lo in a um thei lo tu nupinu cu thin nuam lo zet in a um. Cui tik ah mithusia rel in khua a satu nupinu cu dawr ih sin Kilaw pakhat a lei ih a sim duh mi thusia pawl kha Kilaw hnenah a sim theu.

A sim mi lak ah khua ih sin dawi a si nak thu khal a tel theu. A mai duhnak vekin a sim duh mi pawl kha Kilaw hnen a sim nak pawl kha a mai tikcu caan a lak thu kha a rak thei lo. Nikhat cu khuabawi upa cu khua lak ih a feh phah ah cui hmun lam a rak thleng. Cutikah nupinu ih Kilaw cun an khumnak innte in “hman a thei lo mi khua bawi tiah a rak auh. Khuabawi upa khal cu cui Kilaw ih au mi aw a theih tikah a thin a heng tuk ih a kut tang hnatuan pawl a sut ter. Cui tin thu fiang an theih hnuah Khuabawipa cun mithu sia lawng rel in a nungcang tu nupinu cu khua ih sin dawi dingah thu a suah pan lo maw.

Cui si thok in cui khua ah mithusia rel tu pakhat hman an um ngam nawn lo. Cu khua ih minung pawl cu pakhat ih thlaksamnak, thu thup pawl, sambaunak pawl kha sual ah puh lo in khat le khat bomawk duhnak thinlung thawn a um tu khua nu khua pa pawl zaten thin dam zet an um pan lo maw. Hi thuanthu kan siar nak kan zete hrangah ruahnak tha in thlenpi hram seh.

#Stroytelling

#fimnakpetuthuanthu