A nuam zetnak hramlak pakhat ah Mafia ti ih kawh mi thluak tha zettu Ram Ui pakhat a um. A nih cu a khulrang tuk, a ruahnak a tha, cule thil thar tuah a paih zet tu a si. A sinan a thinnuam ter lo tu thil pakhat a um. Cu mi cu Vate pawl vekin zam a ngah lo mi asi.

 Zingtin in Mafia cu vate pawl van ih an zam kha a zoh ih a thaw athaw theu. “ Ha an nih cu an vatha dan, leilungpi kha tlun lam ihsin an hmu thei. Kei tla thla ka neih sehla a tha dan ding” tin a ruat rero.

 Nikhat ah Mafia cu leipar ah thla le hmul hrekkhat a hmuh tikah ruahnak pakhat a nei. Cumi thla pawl kha hri thawn a baan ah a tem ih a sangbik nak tlang parah a kai ih thillak ih a dawp. Rei lo te sung cu a nuamnak te a tuar ngah nan rin lo pin hrambua lak ah a tla.

Thingkung par ihsin  zoh rero tu zangfah thiam zet tu Simbuk pakhat cu a tum ih “ Ram Ui te, ziangah a cang thei lo mi thil kha cang ding in ziang ah na zuam ciamco tin a sut?” Mafia cun hmur sau ter in “ ziangah tile zam hi a nuam tuk ih mawi khal a mawi tuk, kei khal vate pawl vekin ka zam paih ve” tin a sawn sal.

Simbuk cu hniphah in “ nang cu vate pawl ih neih lo laksawng na nei si. Nang cu hi ramlak pi hi lan in na tlan thei asi. A fate bik mi aww thawm khal na thei. Cule a thlum bikmi hanghnah hangrah pawl na ei thei in an rim hmui zia tla na thei ngah. Mitin in leilungpi hmutheinak mah dan tin a um”. Fia cu mal te thu a ruat.  A thaizingah Mafia cu a mai tidan in ramlakpi cu a lehla ding in thu a then cat. Tlangsang pawl a kai, cule vate pawl hman ih an hmuh thei lo mi a mawi zet mi tiva te pakhat hawl hmu suak.

A cui zaanlam ah Fia cu van a zoh ih thu tawi ten a sim. “ Mawinak kha hmu thei dingin thla a tul lo. Kiangkap kha thaten zoh ding kha a si sawn tin”.

 Thuanthu ih pek mi zirnak ( Moral)

 1.Mah le mah cohlang thiam awk ding.

 Mai ti thei mi le danglamnak pawl kha theih sak aw. Midang pawl ih thilti theinak dawt ciamco hnak in mai thilti theinak laksawng thawn nunram ih mawinak kha tuar thiam ding kha  a thupi.

2.Nuamnak kha mai didan in hawl ding

Mai nunram kha midang thawn tahthim awk rero a tul lo. Mai tithei nak pawl thawn lamzin tha caantha pawl hmang in nuam nak kha mah ten hawl aw.