Harsatnak pawl a um ding, remcang lo nak pawl khal a um ding, Natnak khal a um ding, mitthil tlak riahsia ih um caan khal a um ding, thinpit beidong ih um caan khal a um ding, imm, a sinan na um thiam a tul. Um thiam ding in um aw.

Thleng a theih lo mi dinhmun pawl le rinlopi ton tikah hril ding pahnih a um. Pakhat cu na phunzai men pei maw, tile, a dang pakhat cu dinhmun a tha lo nan na thinlung kha tha dingin na rem thei pei maw.

 Na cinken ding mi cu nuam, nomawk lo nak timi cu na hril nak par ah a hnagt aw ti mi kha asi.

 Thil dang pawl hnakin nang mah le nangmah kha hmai ih na retawk a tul. Harhdam nak tla ruat aw, Dam lo caan khalah sii ei ding ze hlah aw. Mah te um mi mawi nak pawl kha na tuar thiam ding.

Nangmah le nangmah na duhawk sinsin a tul. Nangmah le nangmah natnak pe awlo dingin na kilhim awk a tul. A liam cia mi thu kha tu timi ah keng hlah aw. Nangmah a lo natter tu thil a si le na nat tuk khal le thlah mai aw.

Nangmah le nangmah manhlat awk aw. Hmailam caan mawi te na nei lai. Tumram pawl na neih a tul. Minung pawl ih tongaww, kiangkap ih zomtaih nak pawl lak ah a sung pek hlah aw.

Nangmah le nangmah zumawk nak nei aw, cule nangmah le nangmah upat awk thiam aw, na tul mi nunram kha nangmah in na tuah a tul. Thil thupi lo pawl kha thupi ah re lo in thil cang thei mi le cang thei lo mi pawl, si duh nak le si thei lo nak pawl lak ah na dinhmun kha na ruah awk thiam a tul.

Cak zet ih na um a tul. Duhnak pakhat ruangah mah le mah kha caan reipi nat nak pek awk hlah. Tul lo ih thlah mi kut kha zangfah dil in um nawn hlah aw. Na hrangah nangmah na um a tul.

Nangmah le nangmah daiten um aw, Tongkam pawl ruangah thinnat nak kha um ter lo ding. Na thinlung aww kha ngai a cu thlang.

Nangmah le nangmah na duhdawt awk a tul. Nangmah le nangmah man na hlat awk a tul. Nangmah le nangmah na tungding awk a tul.

Nang cu thil ziangkim kha tuah thei dingin, na thinlung nuam nak kai hnget thei dingin, ziangvek hatsat nak pawl na tong khal le um thiam dingin um aw. Um thei ding khal in zuam a tul. Nunram cu um thiam sile nuam nak tampi a um. Um thiam dingin zuam aw. Um thiam ding kha a thupi bik mi asi.

Credit