Zaangfahnak le Dingfelnak
422. Dingfelnak cu ziang a si?
Dingfelnak cu a sunglawibik mi Pathian ih duhdawtnak thawi ṭuanmi a si. Kan sualnak la hlo tu le kan minung pumpi a thianghlim tertu Pathian ih zaangfah lainatnak le zalennak ih ṭuanmi a si. Thiang Thlarau ih laksawng ruangin a cang suak mi a si. Hi dingfelnak cu Khrih ih zonzaih tuarnak in a cang mi a siih Tikholhnak kan ngah tikah pek kan si. Dingfelnak cu Khrih zumnak le Thiang Thlarau ih laksawng thawn ṭuantlangnak a si ih milai in a hmaisabik ih zalen zet ih a leh kirsal mi a si.
423. Zaangfah lainatnak kan timi cu ziang a si?
Zaangfah lainatnak kan timi cu Pathian ih laksawng sunglawi a siih hi laksawng in Thumkom Pathian ih nunnak sungah in tel ter a si. Cun dudawtnak thawn hna khal in ṭuan ter a si. Hi Pathian ih zaangfah lainak ih thianhlim ter mi kan si ruangah thianghlim tertu zaangfahnak ti khal in kan ko.Zaangfah lainatnak cu Pathian hnenin ra mi a si bangtukin milai ih ruahnak le thilti theinak in a bang thei lo.
424. Zaangfah lainatnak phun ziat a um?
Thianhlim ternak zaangfah lainatnak hlei ah, hmun le ramih zir ih pekmi zaangfahnak laksawng, sacrament laksawng le Pawlpi ṭhatnak ding hrangih pek mi zaangfahnak laksawng tla an um a si.
425. Zaangfah lainatnak le milai zalennak cu ziang tin pehpar awknak an nei?
Zaangfah lainatnak in kan lehrulhnak ding hrangah timtuahnak a nei. Milai zalennak ih hngah hlap zet mi a let a si. Zaangfah lainatnak in zalennak thawn ṭuantlang dingin a sawmih cuih zalennak cu famkimnak ah lam a hruai.
426. Hlawhman timi cu ziang a si?
Pathian thawn pehpar aw in milai in hlawhman nei dingin zianghman ṭuan mi kan nei thei lo. Pathian hnen in ziangkim man nei loin kan ngah a si. Sihmansehla Pathian in hlawhman zate ih hrampi a si mi Khrih ih duhdawtnak thawn pehzom awknak in hlawhman nei thei dingin in tuah sak. Ṭhatnak kan tuahnak ih hlawhman cu a hmaisabik ah Pathian ih zaangfahnak laksawng hrangah a siih a pahnihnak ah milai ih zalennak thinlung hrangah a si.
427. Ziang ṭhatnak pawl kan ngah thei?
Thiang Thlarau ih zaangfahnak le lamhruainak in kan maih hrang le midangih hrangah kan thianhlimnak hrang le kumkhua nunnak kan ngah thei nak ding hrangah zaangfah lainatnak kan ngah thei a si.
428. Khristian thianthlimnak sungah kan zaten khawh mi kan si maw?
Zumtu kan zaten thianhlimnak sungah Pathian ih kawh mi kan si. Hi thianhlimnak cu Khristian nun famkimnak le duhdawtnak ih famkimnak a siih Khrih thawn pehzom awknak in le a maih sungah a Thianghlim mi Thumkhom Pathian thawn pehzom awknak ih rah a si. Thianhlimnak lamzin cu harsatnak lamzin in feh a siih nite tabik ni ih mithiang pawl an thawhsalnak caan ah a famkim ding. Cutik caanah cun Pathian cu ziangkim ah a cang ding.
