Thuthangtha simtu – Saya John No Mang

Caantluang Zarhkel (29) nak, Nihnih Ni,

October 21, 2025

Jesuh in nan nih tla cu sual nak ih sal nan rak si dah nain a tu ahcun zirh nak nan ngah mi sungih thudik kha nan thinlung zaten in nan thlun zo.

Tu kan siar mi thawn pehaw in, tuini hrangah “thudik zirhnak, sermon nak ka run nei ding. Jn 14: 6, kei mah cu lamzin, thutak le nunnak ka si. Keimai hnen in siar lo zohman ka pa hnen an thleng thei lo,

(1) Zesuh cu thutak asi,

(2) Dungthluntu pawl, Jn 17: 17, An nih cu thutak in na ta si ter hai aw. A fate 19 ah An mah tla thutak ih thiang ter an si theinak dingah kei mah khal ka thiang aw ter zo.

(3) Kawhhran cu thudik hramttoh nak asi. 1Tim 3: 5 ah tuisun niah kan sim duh mi cu Jesuh hin a thutak sinak a dungthluntu pawl hnen ah pe in a kawhhran khal cu thudik hramttoh nak ah a hmang asi. Hitin, Jesuh, dungthluntu, Kawhhran cu pumkhat, pakhat an si. Sim duh mi cu zirh nak tel loin thutak zum a theih lo ih, zirh nak nei lawngah , hi thudik hi theih le zum asi. Hihi kan nunnak ding le kan rundam ngah nak dingah tlam a tling fawn. Jesuh lawng na ti kha!

2Peter 1: thudik zirh nak , Jesuh rori an mit ih a hmu tu le hna in a thuzirh mi a theitu pawl ih thusim nak pawl kai hnget dingah a forh.

2 Thes 2: 15 Cu ti a si ruangah u le nau tla kan thusim mi in siseh, nan hnen ih kan cakuat mi in siseh, kan lo zirh mi thutak pawl cu kaihnget uhla, khoh zet in ding uh in ti.

Jesuh ih thu ngai uh ti mi cu Mk 9:7, Dungthluntu pawl ih an thu ngai uh ti mi cu Lk 10: 16, Kawhhran thu ngai uh ti mi cu Mt 18: 17 pawl ah kan hmu thei a si.  1Thes 4: 8, hi bang tuk thu zirh nak a thlun duh lo tu cu minungih thu a el a si lo. Pathian ih thu a el a si a ti. Nang le kei rundam si dingah thu dik zirh nak sungah hmun tlang ringring uhsi.

Pathian thu a ngai tu nan zaten Pathian in a thar in thluasuah nak lo pe hai hram seh. Amen