Veikhat laiah hramlak ih thingkung pakhat ah zawng pakhat a um. Thlatang nikhua a si ruangah zawng khal a khua a sik zet.

Cutikah meisa ngah dingah a hawl ih a hlat nak hmun pakhat ah demde pakhat a hmu.

A hmuh tikah zawng in cui demde thawn meimuah a ngah dingti a ruat ih a kai. A kaih ngah tikah demde ih parah hnawm pen pawl, thingtek ro pawl mal te a peng ih meisa alh dingah a sem.

Zawngih thinlung ah cu demde kha meivam a si ding tin a ruat sual ih meisa a hlawt hlanlo a sem rero.

Cumi cu a mah thawn hla lemlo nak hmun lungto par ih a cawl mi vate cun a hmu ih a kham.

“Hei kha mi cu meisa a si lo, Demde” zawng cun a ngaih sak lo. A sim bet. “Hei meisa a si lo, Demde” Zawng cun a ngaih sak cuang lo a vei thum nak a sim sal.

“Ka sim mi na thei maw meisa a si lo, Demde” tuaitum ahcun zawng cu a thin a heng ih vate kha lungto thawn a sut that.

Thuhman sim tu vate cu a sual lo. Asinan thuhman kha a cohlang thei lo tu zawng a vasim ngah kha cu a sual.

Veikhat veihnih ah hrekkhat thuhman pawl cu a cohlang thei lo tu kha sim ngah a si le a sual nak ihsin mai sualnak ah a cang thei.

Credit: