265. Pathian ih rundamnak tumtahnak sungah Christmas Thapeknak cu ziangvek in a tel?
Baibal Hlun sungah profet pawl in Bawipaih Thlarau cu hngah rero mi Runtupaih hnenah siseh rundamnak co tlak tu pawl hnenah siseh a ṭum ding a si tiah an phuang. Jesuh ih nunnak le rundamnak hrangih a hnaṭuan mi pawl cu Thiangthlarua thawn kom aw ih ṭuan mi a si. Dungthluntu pawl in Pentecost (Thiang Thlarau tumni) ni ah Thiang Thlarau an co ih “Pathianih hnaṭuan mi pawl cu” (Acts 2:11) an phuang. Tihnimnak a ngah thar tu pawl parah an kut an suang ih Thlarua ih laksawng an pek. Kum zabi hnu kum zabi, Pawlpi cu Thlarau in a nungih cuih Thlarau cu a fa le pawl hnenah a pek ringring.
266. Ziangruangah hi sacrament cu Nemhnetnak sacrament (Christmas Thapeknak) ti khal in kan ko?
Hi sacrament cu Christmas Thapeknak tiah kan ko a si. Ziangruangah tile hi sacrament in Tihnimnak laksawng cu a nemhnget ih a cak ter a si.
267. Christmas Thapeknak sacrament tuah tikah ziang mi a thupibik?
Christmas Thapeknak sacrament pek tikih a thupitbik cu Bishop in a ṭul mi ṭongkam ṭong phah in le kut suang phah ih thianghlim sahriak a culh nak khi a si. Tihnimnak a ngah tu ih cal parah “Thiang Thlarau ih laksawng thawn tacik khen si aw” tiah thianghlim hriak culh a si.
268. Christmas Thapeknak ih ṭhatnak cu ziang a si?
Christmas Thapeknak ih ṭhatnak cu Pentecost sunih a lamdang zet mi Thiang Thlarau a ṭum bang tuk in a hleice zet mi Thiang Thlarau ngahnak khi a si. Hi Thiang Thlarau laksawng in Tihnimnak laksawng cu a karhzai ter. Thiang Thlarau a co tu cu Pathian fa sinak ah a fam kim sinsin. Culawng siloin Khrih le Pawlpi thawn peh tlaihnak a nei deuhdeuh. Cun Thiang Thlarau ih laksawng khal a ṭhangso ter vingvo. Christmas Thapeknak ih laksawng in Khristian zumnak tetti khannak hrangah a hleice zet mi thazang khal a pek a si.
269. Zo in hi Christmas Thapeknak a ngah thei?
Tihnimnak Sacrament a ngah cia zo tu pawl lawngin hi Christmas Thapeknak Sacrament cu san theih a si. Nunsungah veikhat lawng hi Sacrament cu ngah theih a si. Man nei zet ih hi sacrament sang thei dingin thianhlim tei um a ṭul.
270. Christmas Thapeknak cu zo in a pek thei?
Christmas Thapeknak cu Bishop lawngin a pe thei. Asinan, siangbawi in Bishop pa ih thupeknak in hi sacrament cu a pe thei ve a si. Siangbawi in hi sacrament a pek tikah siangbawi in Khrih le Pawlpi thawn ziangtivek in pehthlaihnak a nei timi a langter a si.
