Ziangtik lai caan ah Tidai in lo ding?

1. Zanvar daizetin a um mi taksa ruangpi sungih sungril pawl thaten hna an tuan theinak ding thangphok dingah zingtho veten tidai khuathnih in a tul.

2. Ei mi rawl pumpi in thaten a rial theinak dingah rawlei hlan nazi khuai hrawngah tidai khuatkhat in le a tha.

3. Thi feh daan a that theinak ding le thisen sang lo in a um thei nak dingah Takkholh hlan ah tidai khuat khat in ding.

4.Ttaksa zeng le lunglam natnak a um lonak ding hrangah zan ih zawngah tidai khuatkhat in le a tha si.

5. Ihthat lai ah tha a com lo nak ding hrangah zan veikhat thang caan ah tidai khuat khat in le a tha.

Tidai in lo hrimhrim ding caan cu ziangtik cu caan a si? American harhdamnak lam ih Tuktitanah pawl ih an hmuh suaknak ah leitlun ah Tuluk le Japan miphun pawl cu ril cancer khuaruah harnak pawl an tuar mal bik.

Ziangah tile hi miphun pawl cu rawl an ei lai ah tidai le tikhal ti an in dah lo ih tisa lole lakphak sawk a sa mi an in theu ruangah a si tiah an sim.

Ahleice in rawlei phah ah tikhal ti daituk le Tidai innak in hmehsungih a tel mi siti pawl kha pumpi le ril lam ah ciarbek vekin a khal ter ih thaten a feh thei lo ruangah ril lam ah natnak cancer vek phun a can ter a si.

Cui hleilah rawl sa ei laiah tidai in a sile a sa le a dai an tongaw lohli ih pumpi ah nuam lo in a um thei. A sa le a dai an tonawknak in pumpi ah acid a thur mi a can ter ih pum a na ter a si.

Curuangah rawlei laiah tidai in lo in tisa lole tihang sa thawn rawl volh dingah le rawl ei hnu nazi khuai lawngah in dingah American harhdamnak lam ih daily health Tips online thuthangah ruahnak pe in an tarlang a si.

Hithin hi harhdamnak ca kan siar theh hnu ah mah le mah ngaihtuah in innsungsang, sungkhat, thianrual tha pawl zate khal harhdamnak lam thei ter dingah minung pahra in a mal bik pakhat kan bawm thei ding tithu thangphawk phah in kan tarlang mi asi. Taksa ruangpi a harhdam lawngah thinlung thazaang a cak ih kan tul mi kan tuah thei a si. Curuangah harhdamnak thusak phah in a thei hrih lo tu pawl  hrangah kan run lo hlawm.

#harhdamnakthu

#crd

#RVAFalamservice