Thuthangtha sim tu – Saya John No Mang
Caantluang Zarhkel (23) nak, Nihnih Ni
September 9, 2025
Zirh zo mi nan si vekin nan zumnak ah cun cak sinsin uh. Gideon, Barak, Samson, Jefthah, David, Tuiniah hi kan siarmi sungin zumnak cak timi ah David ih ralthat nak le a ngamhuai nak hi kan vun zoh pei. Filistine ralbawi Goliat kha a tum zet ti kan thei cio ko ding. Israel pawl cun khai Goliat ih tumnak kha tih nak ah an hmang. A sinan David ih hrangah cun Goliat ih tumnak kha a zumnak cak tertu le a ngam sinsin nak ah a cang. Ziangahtile Goliet kha ruangrai tumnak tel lo sehla Davidin a sai thleh tla a si thei. Goliat ih lutum le cal kha David hrangah a thatuk. Khitluk mi tum cu thelh ngaih nak a um lo. A sai ih a tlungal asi mai.
Cun zumnak in nunau pawl ih sungkhat thihnak ihsin nunter sal an si. Hlawhhlang Rahab, Joshua 2: 1-24, 6:17-23 ah kan zoh sile David siseh a tlun ih an ral an tam ko nan an tam nak khan zumnak ah an cak sinsin asi.
Cubang in kan nih khal kan zumnak cak ter tu ding hawl thiam ve sehla, Joshua 1: 8 thukham cabu cu hngilh hrimhrim hlah. A sungih ngan mi vekin na nun thei nak dingah a sun a zaan in siar ringring aw. Kan hrang ih ca tha bik Bible Sangcipa Luah Hnin Holy Bible vei 33 a siar suak, 100 siarsuak a mal bik vei 7 siarsuak sehla, zumnak a karh in a cak deuh men dingah ka zum. Palh mi tam tuk reituk, a dik tihlah, Nan hotu Pawl ih zumnak cawng uh in ti. Heb 12:9 Zirhnak phun dangdang in lamzin dik ihsin lo pial ter hlah seh.
Biakinn feh ringring aw. Thlacam ringring aw. Bawipa thisa sang ringring aw. Zumnak bansan tu cu meilipi asi mai. Thup 21:8, LK7:23 keimai thuhla ah rin hmai nak nei lo tu cu mi thlusuah asi. Kan zum nak a thok tu le a famkim ter tu Zesuh kha cat loin zoh uhsi. Heb12:2. Pathian thu a ngai tu nan zaten Pathian in thlusuah nak lo pe hram seh. Amen.
