August 27
Mithianghlim Monica (331-387)
Mithianghlim Augustine ih nu Mithianghlim Monica cu kum 331, saklam Africa, Thagaste timi khua ah a rak suak. A thinsau nak ruangah nun can ziaza a tha lo mi a pasal Patricius cu a nun a thleng a si. A pasal cu a thih zik te ah Baptisam a rak ngah. A fapa, Augustine cu a mai hrangah harsatnak petu pakhat a si. Augustine cu a nauhak lain Pawlpi ih fa cazin sungah a tel nan tikholh nak sacramentu thu hla ziangtik hmanah thuk pin in a ruat dah lo. A mah cu Manichacism ti mi milem biak nak ih a lut tikah leitlun nuam nak pawl a thlun nak cu a besia ter a si.
Augustine cu Carthage ram ah fimthiam nak a zir lai ah nupi a nei ih fapa pakhat an nei a si. Monica cu a mitthli thawn supnak, thlacamnak kum reipi a rak tuah. A fapa thawn biakawk dingin a dil mi Bishop pakhat in a hnenah Pathian tikcu caan a thleng lai ding thuhla le a luang mi na mitthli pawl ruangah na fapa cu siat ral ding a cang thei lo ding tiah a rak sim. Augustine cu Italy ram ah a thupten a tlan thu a thei tikah Milan tiang hmu ding rero in a rak hawl. A fapa nun can a thleng thu a thei tikah a lungawi tuk a si. Nirei lo te ah Africa in a tlung sal.
Monica cu tawngpawlawng a hngak laiah naa zet in a naa a si. Monica in netabik a tong mi ah “Ka nun ah zianghman in nuam nak in rak pek dah lo, ka nung rero tla hi nangmah Christian pakhat in ka lo hmu pang ah tin si ka nung,” cuih hnuah “Ka ruang cu na duh nak ah phum aw, ka fapa. Pakhat ka lo dil duh mi cu Missa na tuah tikah I hngilh lo ding hi a si”tiah a fapa a rak sim.
Monica cu kum (55) ah a nunnak a cem ih nubu pawl bawm tu mithianghlim tiah an run ko. Augustine cu a cauk ah “Keimah hrangih kum reipi a rak tap rero tu ka nu hrangah nazi pakhat ka tap cu a sual lo tiah ka ruat” tin a rak ngan ta a si.
