Catechism of the Catholic Church (no. 221-223)
PAWLPI IH PASKA THUTHUK
Sumnak: A Thianghlimbik mi Thumkom ih Hnaṭuan
221. Ziang vek in Pa cu sumnak ih hrampi le hmuitin mi a si?
Kan hrangah minung a cangih, a thi ih, a thosal mi Ṭongkam ih thlawsuah cu sumnak ihsin Pa in in pe a si. Cuih hleiah Thiang Thlarau cu kan thinlung sungah in pe a si. Cun Pawlpi in sumnak in Pa cu a thangṭhat, a lawm, lungawi thu a sim ih Fapa le Thiangtlarau ih laksawng a dil.
222. Sumnak sungah Khrih ih hnaṭuan cu ziang a si?
Pawlpi ih sumnak sungah Khrih in a maih paska thuthuk ih ti can a langter ih a um ter a si. A dungthluntu pawl hnenih Thiang Thlarau a peknak in Khrih in a maih can aisawng tu pawl hnenah rundamnak hnaṭuannak, a hleice in Missa sumnak le sacrament pawl tuahnak in, anaa a pek ih a maih zaangfahnak laksawng cu zumtu pawl hnenah san khat hnu san khat siseh, leitlun hmun zakip ah siseh, kumkhua in a pek.
223. Pawlpi ih sumnak sungah Thiang Thlarau in ziangtin hna a ṭuan?
Sumnak sungah Thiang Thlarau le Pawlpi ih hnaṭuannak cu naih niambik in an um. Thiang Thlarau in Pawlpi cu a Bawipa tong dingin timtuahnak a tuah sak. Thiang Thlarua in Khrih cu a ko ih pumkhawm tu pawl ih zumnak ah fiang tein a langter. Thiang Thlarau in Khrih ih thuthuk cu a ngaingai in Pawlpi sungah a um ter. Cun Pawlpi cu Khrih ih nunnak le rundamnak hnaṭuannak thawn a pehzom aw ter ih hmunkhat sinak ih laksawng cu Pawlpi sungah rah a nei ter.
