Thuthangtha sim tu – Saya John No Mang
Nitin Thlarau Rawl
June 17, 2025
Amah bawmtu dingah Jacob ih Pathian a nei tu cu mi thlawsuak a si.
Tui kan siar mi kan zoh tiah ziangruangah saw, In bawmtu dingih Jacob ih Pathian neih tengteng ding hi a tul nak san ti hi thus uh nak a um thei. Si, cucu hiti’n ron fiang ter kan tum pei. Minung kan si sung le lei mi kan si sungah cun bom nak a tul mi le bom nak duh tu kan sic io ding ti cu a zum um ko. A mah lawng te a thu ih zir in bom kan tul dan lawng te a bang aw lo men thei, thazaang mal mi cu tha zaang a cak mi ih bom an tul. Afarah mi cu a lian mi ih bom an tul.
Neh thei ding khal ah bawm tu kan tul. Kan tul kan ti rero kha, bom nak in pek ruangah neh nak khal kan co thei tak tak. In bawm tu nan zate par khal ah tampi lungawinak kan nei. Dinhmun harsa pawl hrang khal ah bom nak a phun phun , upa, nau ta, nauhak, naute bom nak tiangin, ral tlan bomnak e, kan ti thul. Bible ih bomnak kan hmuh mi khal hi hi vek thotho cu a si ko.
Minung le minung kan bawm aw thei a si ko nan Israel pawl khan ram ding Pathian an rinsan a si lo le Asiria ti mi an rinsan ih bomnak an dil tikah Pathian a ngaih a sia theu. Ps sung ah cun David in Jacob Pathian lawng hi rinsan dingl e bawm tu a si nak thei ih bomnak a dil nak le a ral neh nak khal Jacob Pathian ih bom nak a si ti thei fiang ih a lungawi thu sim pawl kan hmu. Ps 121:1-2, 124:8.
Keimah, bomnak cu Bawipa’I hnen ihsin a ra. Curuang ah tuk sun ih kan sim duh mi cu minung le minung kan bom awk hi a tul lo tinak si lo in le minung lawng hi rinsan pangl o ih in bawm tu dingah Jocob ih Pathian anei tu kan si ding hi fiang ter awk le kan sawm awk duh mi a si sawn.
A mah bawm tu dingah Jacob ih Pathian a nei tu cu mithlawsuak a si. Amen.
