Seoul diocese in thuanthu an langternakah kum 1800 luan hrawngih Gihae le Byeong -0 ih Christian hremnak rak tuartu minung 79 pawl ih Mithianghlim an sinak kum 100 kim hngilh lo nak caanserh an hmang.
July 5 ni Zarhte ni ah Thlang Korea ih Seoul diocese ah Gihae le Byeong-o hmun ah 1839 in 1946 karlak ih zumnak ruangih thahnak a rak tuartu martyr 79 pawl ih kum 100 kum hngilhlo nak le sunloihnak sunglawi zetin an rak tuah. Ziangtlukin hremnak tam hman seh hi mi martyr pawl in Bawipa hnen an zumnak an rak ban san lo. A Net tiang an zumnak thuk zetin an feh pi ih an thih tiang rah suak thei dingin an rak tuar tiah Seoul diocese ih Archbishop a si mi Peter Soon-taik Chung in Missa raithawinak ah a rak sim.
Gihae le Byeong-O ih Korean Martyrs cu 1925, July 5 ni St.Peter Basilica ah Pope Pius XI in mithianghlim ah a rak ngamhnget mi a si. 1968 ah minung 24 pawl cu Pope Paul VI in a veihnihnak ah a rak khaisang. 1984 ah Pope John Paul II in a khaisang bet in an zaten 103 an si.
Kan dung zarhte ni ah minung 1000 luan in nunnak a liamtu minung 79 le 41 pawl sunloihnak ah Seosoum Shrine History Museum ah pumkhawm in Missa raithawinak ah an rak tel. Hi mi thuthang cu Vatican thuthangin a tawi zawng in kan ngan mi a si.
