ziangziang khal an umnak dingih an um lo cun man a nei lo.

Nunramah thilhrekkhat pawl cu an umnak a hman ahcun  duhsaknak thawn pekawknak  pawl cu man an nei lo ding a si.

Tannakha cu nunau pakhat hrangah a hmai ih a hnih tikah a umnak a hman ruangah a mawiih duhnung za a si.

Cui tannakha cu rawtphah in zial parih a luan tikah zialpar ih a tlak mi Tanakha pawl cu an umnak a hman lo ih man an nei lo. Hnawmbal menah an cang.

Sam cu nunau pakhat in luu a kholh theh caan ih a sam a thlah tikah le a phunphun in a tuah tikah a umnak ahman ih a mawi ih duh a nung zet.

Cu sam cu coffe khuat sungih a tlak  tikah lole hmeh sungih a tlak tikah a umnak a hman lo ruangah fihnungza ah a cang.

Mah in theih thiamnak thawn  bawm hmansehla mi an tulsam tuk caan a silo ruangah man a nei lo, hman tlak lo ah a cang ih duhsak nak cu a lak vekah an cang theu.

Cuti vekin ttong tik khalah a tik cu silo in kan rel sual tikah, ttong a tam luan tuk tikah ttong tha lo a tel ih kan mai man kha a tla ter. Umnak a hman lo ih a tul lo mi ttong ngah pang tikah mah cu ttongtam mi thuphan rel vekah a cang a si.

Duhdawt nak ti mi khal kan duhdawtnak kha man hla zet in kan ret tikah khat le khat thei thiam aw in um lawng ah mah sunloihtu thawn duhdawt awk lawngah umnak a hman ih duhdawt tu pawl khal an rak nuam.

Ziangziang khal a mai um dingnak ih a um a tul. A umnak a hman lole man neilo mi a lakah an si rero ko ding.

Pumpe aw kan ti tikah umnak a hman lo ah cun mah kha thinnaa ter tu ah an cang sawn a si.