Kan nunram ih thaizing tin cu a nuam ringring dingtin ka ruat lo. Ziangruangah tin thusut nak pawl a rak um theu. Mai nunram ih hlawhtlin nak pawl kha ka rak zuam rero laicaan ah in tul lo tu pawl cu in zawmtai in hnihsan.
Nahsik nak thinlung pawl an re. Ka feh nak lam tluan ah donkham nak pawl, hling le lung pawl in phah sak. In hnihsan tu mihrekkhat pawl ih an hnih awn cu a thang. Asinan ka khuk ka bil lo. Sunnak ka pe lo, hlawhtlin nak kha ka duh ruangah in hmuhsuam tu pawl kha ka ngaihsak rero a tul lo. In hmunsuam nak pawl lakih ka hnihsan ti lo bak cu. Ka hlawhtlin nak a duh tu pawl cun tha in pe, in sunlawih, thin beidawng lo dingin thu cah nak in pek ringring. In duh lo tu pawl ih in hmuhsuan nak pawl lakah a mah pakhat ih thapeknak kha man ka nei ter, ka upat. Curuangah thaizing tin ah ka zuam. Ka duh ih ka upat mi hnatuan pakhat kha ka atcilh.
Hrekkhat cun an ti “Atcilh lawngah hlawhtlin a theih” tin hlawhtlin ka duh ruangah atcilh nak a si lo. Mah ih tuah duh mi hnatuan pakhat kha ka duh ih ka atcilh nak a si.
In dul lo tu pawl cun in hmuhsuam ko seh… ka thin heng lo. Hlawhtlin nak kha ka ngah ni nikhat ah an zaten ka hnihsan theih leh ding.