The Most Holy Trinity – Solemnity
Liturgical Colour: White. Year: C (I).
First reading
Proverbs 8:22-31
Bawipa in hlanlaipi ih
a tuah hmaisabik mi lakah,
Keimah hi in sersiam hmaisabik a si.b
23 Leilungpi sem hlanah keimah cu
a hmaisabik ih tuahmi ka si.
24 Tipi thuanthum le tiva pawl
an um hlanah ka suak zo.
25 Fing le tlang pawl an um hlanah,
keimah cu ka suak zo ih,
26 Leilung le ram pawl
a hmaisabik sersiam mi,
Leivut zatekhat hman Pathian in
a tuah hlanah in tuah zo.
27 Van a semsuah lai le
tipi thuanthum kimvel
a tuah lai ahkhan ka um zo ih,
28 Mero pawl tla van ih
a hun ret lai ah siseh,
Tipi thuanthum ih tihna pawl
a umter lai ahkhan siseh, ;
29 Tipi tla a suahnak hnak ih sangah
a kai lonak dingih
thu a pek lai ah siseh, ka um.
Leilungpi a hram a oh lai khalah
ka um a si.
30 Inn ruangzingtu thil thiam zet
bangin a kiangah ka um,
Nitinte a lungawinak bik cu
keimah ka si ih,
A hmaiah ka lung a awi ringring.
31 Leilungpi le a tlun um
minung pawl parah,
ka lung a kim a si.
Responsorial Psalm
Psalm 8:4-9
Milai hi ziangso a si ih
na seherh ringring?
Mihring taak ko hi ziangso a si ih
a zawn na ruah?
5 A si, minung cu nangmah hnakih
niam deuh fangin na tuah ih,
Sunlawinak le upatnak cu lukhuh
bangin na khumter.
6 Na semsuahmi hmuahhmuah tlunah
uktu na siter ih,
Ziang tinkim a ke tangah na ret.c
7 Tuu le caw, hramlak ih ramsa pawl,
8 Vate le tisung um nga le
ti sungih a nungmi hmuahhmuah
tlunah na ret zo a si.
Second reading
Romans 5:1-5
5Atu cu zumnak in thiam cotermi kan si zo ih kan Bawipa Jesuh Khrih ruangah Pathian thawn kan rem aw zo. 2 Zumnak ruangih kan comi Pathian ih zangfahnak sungah amah in, in thlenpi ih cuih zangfahnak sungah cun atu hi kan um. Curuangah Pathian ih sunlawinak kan awm aw ding tiah ruahsannak kan nei ih kan thin a nuam. 3 Cule harnak kan tuar tik khalah hin kan lung a awi thotho; ziangahtile harsatnak in tuartheinak a suahter, 4 tuartheinak in Pathian lungkimnak a suahter, cule amah ih lungkimnak in ruahsannak a suahter, ti kha kan thei. 5 Cule hi ruahsannak in kan bei dong lo in, in tuah, ziangahtile Thlarau Thianghlim sung ihsin Pathian in a duhdawtnak cu kan thinlung sungah a burh zo. Cuih Thlarau Thianghlim cu Pathian ih in pekmi laksawng a si.
Gospel Acclamation
Alleluia, alleluia!
Gospel
John 16:12-15
Nan hnenah sim ding tampi ka nei, asinain atu ahcun nan ciing thei cawk lo ding. 13 Sikhalsehla Thlarau a run tikah cun Pathian thutak langtertu a si ruangah thutak hmuahhmuah ah a lo hruai ding. Ziangahtile amah ih thuthu in zianghman a ong lo ding; asinain a theihmi kha a sim dingih a ra thleng leh dingmi thu tla kha a phuang ding. 14 Amah in sunlawinak i pe ding, ziangahtile ka sim cia mi kha a lak dingih nan hnenah a phuang ding. 15 Ka Pa ih neihmi hmuahhmuah cu ka ta a si, curuangah Thlarau in ka pekmi cu a la dingih nan hnenah a phuang ding, tiah ka lo tinak a si.
