Veikhat laiah thingrah kung tumpi pakhat a um. Tlangval pa pakhat cu nitin ten thinkungpiih thuai ah a lek theu. A kung parih a rah pawl a ei. Thing hnem ah a it. Thingkungpi ih a duhzet vekin a nih khal inthingkung pi cu a duh zet.
Cutin tlangval pate cu a hung upa vevo ih thingkung tumpi hnen a feh tuk nawn lo. Thingkung tumpi cu a riah a sia zet. A kiangih ra lek dingah veitampi a sim. Tlangval pate cun a sim sal. Ka thang zo. Nitin kha tin ka lek peih nawn lo. Leknak ka duh. Thingkung tumpi cun cucu a ol tul. Ka parih thingrah kha lo aw. Theh in bazaar sungah feh awla zuar aw. Theh in leh nak leiaw a ti ih tlangval pate cu a lung a awi zet. Thingrah cu a lo. Lungawi zet in a suak. Ni tawkfang a rei. Tlangval pate cu a pawt nawn lo. Thingkung tumpi cu a thin a nuam lo zet.
Nikhat ah cu tlangval pa cu a ra tlung sal. Thingkung tumpi cu a lung a awi zet. A mah thawn lek dingah tlangval pate cu a ko. Tlangval pa cun a sim. Leh a ngah lo pi. Ka inn hrangah hna ka tuan a si. Ka um nak ding inn pakhat sak ding ka nei. I bawm thei kem? Thingkung tumpi cun a sim. Hitin ti aw. Ka par ih a tek pawl zaten hau thluh aw la. Innsak a theih si a ti. Tlangval pa cun a tek zaten a hau ih a duh mi inn kha a va sak. Tlangval pa cu a hlo lala. Thingkung pi cu a riah a sia zet.
Fur caan ah tlangval pa cu a ra kir sal. Thingkung pi cu a lung a awi tuk lala. Tu cu ka hnenah na ra kir ngaingai thlang ti a ti. Tlangval pa in a sawn lo. Silo e ka upa zo. Khual ka tlawn nak ah lang pakhat ka tul. Bawm nak ka ra lo dil tin ziang in tuah sak thei ding a ti. Na tul a si cun ka kung pi kha hau awla. Cumi hmangin long tuah aw a ti. Tlangval pa cun thingkung pi ih kung cu a hau. Cuhnu ah rei pi a hlo lala. Thingkung pi cu tlangval pa a hngak nak ah a rop tuk thlang.
Kum tampi a rei. Tlangval pate cu a ra pot lala. Thingkungpi cun a sim. Tucu zianghman pek ding ka lo nei nawn lo. Rah ka nei nawn lo. Keu nak ha khal ka nei nawn lo. Ka kum u pa zo ka par ah kai in na lehnak ding khal ka tek a um nawn lo. Kung khal ka nei nawn lo. Lo pek ding ah zianghman rori ka nei nawn lo tin thingkung cun tap phah in a sim. Kei khal ka bang thlang. Na kung kai nak ding tha khal ka nei nawn lo. Zianghman ka duh nawn lo. Tha ten cawlh hahdam lawng ka duhtin tlangval pa in a ti. Aw a va tha ve. Thingbul cu toih cawlh nak ding hrangah a tha bik mi hmun a si. Ra aw ka par ah to aw kan cawl hahdam tlang thei a si si tin a sim ih thingkungpi cu a lungawi tuk ah a mitthli a tlak.
Thuanthu cu hizat a si. Himi cu nang le kei ih thuanthu a si. Thingkung pi cu kan nu le pa, nauhak laiah an kiangah kan um. Malte kan hung upat tikah hmun khat ah kan um lo. Harsatnak kan tong tinten an hnenah kan kir. Nu le pa cun an ti thei tawk in in bawm. Nule pa ti mi cu fa le pawl an nom awknak ding hrangah pekding cu an remcang cia ringring. Hi thuanthu sungah tlangval pa te cu a sual tuk tin na ruat a si le nu le pa lungawi dingin an mah kha caan tampi pe aw. Nu le pa thawn hmunkhat ih um caan kha man nei ter aw. Keimah rori khal ka zuam ta hrih ding.
Credit: Sayar Aung Ko Latt