Pope Francis ih January thla hrang thlacam tumtah mi cu fimthiamnak lam ah covo ngah thei dingah tiah tumtah. (Jan 2, 2025)
Pope Francis in 2025 January thla hrang ih a thlacam tumtah mi a suah ih mi kip ah fimthiamnak lam ah an mai covo ngah thei dingah thlacam sak dingin a rak sawm.
Pope’s Worldwide Prayer Network ihsin Pope in Catholic Pawlpi zate hnen ap mi tui thla ih Pope ih suah mi Video sungah hi tumtah mi hrang thlacam dingah Pope Francis in Pawlpi zate hnen a rak sawm.
January thla ah Pope ih Video ah tui sunah kan mah pawl cu fimthiamnak lam thawn pehpar mi ah paamnak pakhat kan tong’ tiah Holy Father (Pope Francis) in ralrinnak a rak pek ih hi mi hi ka porh mi a si lo tiah a rak sim.
Raldonak pawl, ral tlan pawl le farah harsatnak pawl ruangah nauhak 250 million le minp mipa, nunau pawl in fimthiamnak lamah harsat an tong.
Nauhak pawl le mino pawl zaten fimthiamnak zir dingah covo an nei” tiah Pope in hnget zetin a sim ih mivai an sinak dinhmun pawl khal hnget zetin a rak sim.
“Fimthiamnak cu mitin hrangah ruahsannak pakhat a si” tiah pehbet in a rak sim. Cuihleiah hi mi in mivai pawl le harsatnak tuartu pawl, mivai pawl thleidannak, nunsualnak lam le mineh sawhnak pawl a run thei tiah ralrinnak a rak pek.
Puitling hrih lo tu mitampi pawl nehsawh an tuar tiah a rak sim.
Fimthiamnak cu a um lo thei lo a tul mi a si, ziangruangah tile cu mi cu an mah pawl rak cohlangtu pawlkom sungah kom dingah a bawm thei a si tiah Pope in fek zetin a rak sim. Hi mi cu Vatican thuthang in a tawi zawngin kan ngan mi a si.
