Kum 2025 Jubilee puai pi cu 2024 December 24 in January 6, 2026 tiang tuah ding mi Catholic Kawhhranpi ih Puaipi pakhat a si. Hi mi Jubilee ih thuluu cu “Pilgrims of Hope” a si ih leitlunpi thawn pehpar mi rualremnak le kiangkap ngaihvennak kha khaisang le thupit in farahharsa pawl bomnak a pe thei ding a si.
Jubilee cu 2024, December 24, zanlam nazi 7:00 pm ah St.Peter Basilica Biakinn piah a thianghlim mi Sangka on nak thawn Pope in a rak thok. The Holy Door ti mi thianghlim Sangka pi cu Rome khuapi ih papal basilica pali in pakhat ciar ah tuah in hngilh lonak ti daan khel pakhat khal a si.
Jubilee kum ah hin zumtu pawl in Rome khuapi ah feh in a thianghlim mi Sangka ( Holy Door ) ah lut in Pope hnen an feh theu a si.
Diocese hmun tinah Bishop pawl in an mai Biakinn Cathedral pi ah khawhhran mipi tampi thawn December 29 ni ah mai umnak cio ah on nak caanserh an hmang ding a si.
A thianghlim mi kum cu 2026 January 6 niah St. Peter Basilica ih um mi the Holy Door (thianghlim Saangka) kharnak thawn Jubilee kum a cem ding a si.
Jubilee cu Catholic Church pi ah kum 25 tin ten an tuah mi ngaithiamnak le thlarau lam ruahawk salnak tik cu caan a si. Pope Boniface VIII in Jubilee Puaipi cu 1300 kum ah kum 25 kim tinten thu ngai thlak ih tuah dingah a rak ngam hnget mi a si.
Hi mi thu cu Jubilee 2025 thu thawn pehpar ih kan run tarlang mi a si.
