Christmas hlan ah hin Advent zarh li kan hmang ih cu mi sungah tui zarhpi cu a zarhlinak Advent a si vekin  a palinak Phazawngdine vannak ni a khal a si. Aneta bik Phazawngden cu Angel Candle( Phazawngdine) ti duhsan cu vangcung mi pawl ih Phazawngdine tiah khawh a si. Hi vancung mi pawl lole mithianghlim pawl ih phazawngdine in remdaihnak kha a sawhkhih duh a si. Hi Phazawngdine (meifar) thawn pehpar in Jesuh a suah hnuah Vancung mi pawl in an sunloihnak hla pawl thawn cibai an rak buk. A sangbikah Pathian cu thlasuahnak um hram seh, leitlun khal ah thinlung tha neitu pawl hnenah remdaihnak um hram seh tiah an rak sak mi cu Lk 2:13-14 ah a rak sim a si.

Adventu zarh li sungah mah le mah timtuah in le rem aw in tuah nak caan a si. A rei hlan ih a suak ding mi Naute Jesuh kha kan thinlung sungah suak thei dingin tling le tlang zet in timtuahnak nei tlang uh si tiah kan lo forh duh a si. Bawi pa in thinnem mi, lung nem mi le thinlung tha nei dingah in duh a si. Kan thunlung cio ah  Naute Jesuh suak hram seh.