(1521-1597) (December-21)
Catholic Pawlpi cazirnak ih dungthluntu Peter Canisius cu kum 1521 ah Holland ram, Nijnegen khuapi ah a rak suak. A Pai lungkimnak dingah a duh vek in Lovain ti mi University ah daan rei lo te sung a rak zir.
Asinain, kawhnak a si lo ti a theih fiang ruangah a nunnak ah fel zet in Cologne ah Pawlpi thu hla zir dingah a feh.
Mithianghlim Ignatius ih dungthluntu pakhat a si mi Peter Faber retreat ih a thu sim mi a duh tuk ruangah “Society of Jesus” kaing ih lut dingah a rak bot cat.
Puithiam cannak a ngah hnu ah Peter Canisius cu Pathian thu a sim nak in a hmin a rak thang. Mithianghlim Ignatius in “timtuahnak a khat thawn ziang vek thu hla khal le man cia tu” Mithianghlim pakhat ah an run nemhnget.
Mithianghlim Canisius cu Rome ram in Germany ah an thlah ih Pawlpi a dodal tu ruahnak pawl a do ih mipi lak ah Mithianghlim pawl ih a hlan dinhmun ih thlengsal dingah a tuah.
Kum 1552 ah Mithianghlim Canisius in Catholic Pawlpi zumnak ih ruah daan kha ram minung zateek 90 in an rak suahsan ih Vienna ah an thlah.
Puithiam tlawng tampi pawl khal um ngah lo ding tluk in a rak siat ih kum 20 tiang Puithiam pakhat hman Puithiam cannak an rak ngah lo.
Peter Canisius in a hnatuan nak in Vietnam miphun pawl ih thinlung thleng dingah a rak tuah thei.
A dam lo mi pawl a rak dam ter ih thawngtla pawl hnenah khal a feh ih tha a va pek. Cu lawng si lo in mifarah pawl khal a rak bawm.
Mipi pawl pehtlaih nak ih a thupit zia khal le a thei fiang ih a hnatuan tha bik a si mi Catholic Pawlpi ca zir nak a rak din.
A nundam sung khal ah a mai pawlpi ca uk cu voi 200 tiang a rak suah ih tong phun 15 ah an let.
Cu ti vek in Peter Canisius cu hlawhtlinnak le hminthannak a rak ngah nain a nunnak ah tangdor nak le thupek ngai in a nun a rak hmang.
Asinain, hminthannak kha uar tu a si lo ih Vietnam Bishop ah an hril ih a mai tlawng ih U pa tuan tu dingih an hril mi khal cu a rak el. Mithianghlim Canisius cu kum 1597 ah Febuary ah a rak thi a si.
