Kei cu Catholic zumtu ka si. Catholic ka si ti mi cu-

Pope ruangah Catholic ka si lo. Cardinal ruangah Catholic ka si lo. Siangbawi, Sister, mi felfai pawl ruangah Catholic ka si lo. Mah sinak taan in Pathian hrang pum a petu pawl ruangah Catholic ka sinak asi lo.

          Pathian thuruat tu Yatih le Sister pawl ruangah Catholic ka si lo. Leilungtlun ah kum a rei bik mi pawlkompi ruangih Catholic ka si nak khal a si lo.

          Minung thuanthuih mi bawmnak hnatuanah siangzet ih pek nak pawlkom pakhat sungih ka tel ruangah Catholic ka si lo.  

          Nu pawlpi a si ruangih Cattholic ka si nak khal a si lo.

          Missa sumnakah biaknak thawn pehpar mi thil pawl a si mi hla pawl ngainuam zet ih an sak ruangah Catholic ka si nak a si lo.

          Minung pawl ih thuanthu, thimnak ihsin san a man mi nunram, nunnem mi minung pawlkom sungih a ra um mi mangbang thlak zet mi thuanthu pawl ruangih Catholic ka sinak a si lo.

          Rong phunphun um mi kawrfual pawl, Caauk pawl, Pathian inn pawl, Hlasak nak hmun pawl cuvek timlam nak thil pawl lruangah Catholic ka sinak a si lo.

          A mawi zet mi Pope ih thuthan nak innpi, Bishop tlawng pawl, Biakinn pawl, siizung pawl, Puithiam tlawng, Hngaktah inn pawl ruangah Catholic ka si lo.

          A si le Ziangruangah Catholic ka rak si?

          -Catholic zumtu ka si timi cu a Thianghlim mi kan Bawipa Jesuh Khrih a mah rori ih a din mi Kawhhran a si ruangah a si. (A dang Kawhhran pawl cu Minung ih din mi kawhhran a si ruangah asi.)

          Catholic zumtu ka sinak cu dungthluntu pawl hnen ihsin a ra mi pakhat lawng a si mi, mitampi thawn pehpar mi, a Thianghlim mi Kawhhran asi ruangah asi.

          Catholic zumtu ka sinak cu Thiangthlarau thawn a thianghlim mi Bible caa thianghlim thawn in Kawhhranpi a kilkhawi tu Pawlpi Pa pawl ih lamhmuh nak ruangah asi.

#thianlunme

          Catholic zumtu ka sinak cu a thianghlim mi kan Bawinu, Mithianghlim pawl le Pathian ih vancung mi pawl ih thla in rak camsak nak huham pawl a um ruangah asi.

          Catholic zumtu ka si nak cu sual ngaidam nak pawl a um, Mithianghlim pawl thawn hmunkhat te ih thatnak kan ngah tlang nak a um. Thawhsal nak pawl a um ih kumkhua nunnuam nak pawl a um ruangah asi. Catholic kawhhranpi sansau sinsin hram seh.

#thianlunme