Pope Francis in Zarhte ni, St. Peter tualrawn ah Cardinal thar 21 sinak a pek ih “Thuneihnak (thilti theinak) ih thlemnak” neh dingah Jesuh Khrih ih lamzin kha thlun dingah arak forhfial.

Tuukhal nunram vekin thlarau lam ah kanmah pawl cu rinlopi cang mi pawl lawng kha thupit a si theu ih a tul zei ih um lo thei lo mi, hngilh tikah tih a nung tiah Pope in ralrinnak a rak pek. Tuletu kan ti the vekin a pahnih tul mi kha a tul tuk tin kan tuah theu ih a lenglam si daan pawl in a tul ngaingai mi kha a rak khuh theu.

Kanmah pawl cu kan hramthawhnakah kan feh thiam a tul ih Khrih ah mah le mah thuamaw dingah a tul lo mi thil zaten kan hnon thiam a tul.

Cardinal ti mi ttong fang cu “Kopza” ti mi a aiawh ih Pawlpi kilkhawinak ah a thupi mi tuanvo a si thu Pope in lamhmuh in a rak sim.

Cardinal thar pawl ah Toronto ih archbishop Frank Leo, Iran ih Tehran- Isfahan ih archbishop Dominique Joseph Mathieu, le Tokyo ih Archbishop Tarcisio Isao Kikuchi pawl an tel ih Pope Francis ih Pawlpi ih leitlun huap thawn pehpar mi Mission hnatuannak thupit in a rak lang ter.

Cardinal thar pahra cu  religious order a si mi Dominicans, Franciscans le the Society of Divine word in an si.

Zarhpi sunah Cardinal thar pawl cu the Immaculate Conception, (sualhram nei lo ih a sem mi Bawinu) puai ni ih thuk zia cu St.Peter Basilica ah Pope Francis thawn Missa raithawinak an nei tlang dingih Cardinal thar pawl cu Cardinal pawlkom sungtel dinhmun in a hmaisa bik Missa raithawinak an tuahnak hminsinnak a si. Hi mi thuthang cu Catholic news agency thuthang in a tawizawng in kan ngan mi a si. Thuthang a rak siar theutu zate parah lungawinak tam pi kan nei.