Trinity ih Sister Mary, Mithianghlim cannak ding thuhla Jerusalem ah ong.
Thumkom Pathian ih Sister Mary ( Mary of the Trinity) cu Cardinal Pierbattista Pizzaballa, Jerusalem ih Latin Pathriarch in November 29, 2024 ni ah a rak than vekin Franciscan ih mithianghlim pawl zate ih puai ni thawn a kaih aw mi ni ah Sister Mary, Mithianghlim ih khaisannak thuhla kha Jerusalem ah on a si.
April 26, 1901 ah Africa thlanglam ram Pretoria ah a rak suak ih a mah cu Louisa Jaques tiah an rak ko. Louisa cu Switzaland ah a rak thang lian. A Pa cu Calvinist Pastor a si ih a nu cu Sister Mary a suah hnu reilo te ah a nunnak a rak cem. Sister Mary cu a harhdam nak lam a that lo ruangah a nauhak lai in ruangpi le thlarau lam thawn pehpar aw in harsatnak a rak tong theu tu a si.
Kum 25 a kim ah a mah cu Febuary 13-14, 1926 ni ah zaanah langnak a hmu ih Biakinn lam ah feh lo, thei lo dinhmun in sawmnak a rak tong. Amah cu March 19, 1928 ah Cathiloc Biaknak ah Baptism a rak sang.
June 30, 1938 ah Jerusalem ih um Poor Clares Sister kai ah a rak lut ih Trinity ih Mary tiah hmin a rak lak. January thla 1940 ah a mai thlarau lam kaihruai tu lam hmuhnak thawn thlarau lam ih a hmuhnak pawl cu ca in a rak hminsin thok ih neh hnuah cun “Colloquio interiore” dinhmun in Thlarau lam thangphawknak ca tin an rak suah thei. December 8,1941 ah a mah cu thlacamnak , upatnak le duhdawtnak thawn Jesuh Khrih hrangah a pum hlum in a rak ap aw. Amah cu ril lam dam lonak thawn June 25, 1942 ah a nunnak a rak cem ih Puithiam tlawng kiangih thlanmual an an rak vui. Hi mi thuthang cu SW news in kan don mi a si.
