Joseph Ratzinger Foundation in 2025 kum thal caan ah Pope Emeritus Benedict XVI ih suah hrih lo mi Pathian thuhtangtha phun 100 luan an suah ding. Hi mi thu ah tuanvo neitu in Pope ih a mai thlacamnak hmun a si mi a mai Chapel ah nitin zumnak thu thawn pehpar ih a ruah mi pawl an si.

Bible Cathianghlim kha nitin zumnak thawn pehpar ih ruahnak pawl ngan mi a si. Hi mi a tuah mi cu kum tampi a rak tuah mi a si ih amah cu kum 95 a kimnak December 31, 2022 Pope Benedict cu a nunnak a rak cem. A mai Assistant a si mi Archbishop Georg Gnswein in Pope Benedict ih ngan mi Pathian thu pawl a mai tumtah vekin thaten kilhimnak hmun pakhat a si mi Foundation pakhat ah a rak ap. Hi mi thuthang cu SW news in kan ngah mi a si .