Paisa fangkhat hman na neih lo caanah leilung pi in nangmah kha minung pawl ih thu a lo zirh ding.     

         Sunnak pawl na tong ih na farah caanah a hman a si ti mi rualpi pawl, ka kom zet a si ti mi rualpi pawl, zawnruahnak a nei a si ti mi rualpi cu ziangvek an si ti kha a lo zirh ding.

         Na remcan caanih kutza a lo bengsak tu rualpi aiin na remcang lo caanih hnemnak tongkam kamkhat te a lo sim tu rualpi cu man a nei deuh. Buai nak tin in nangmah kha a lo cem ter mi a si lo. A ngaingai ahcun nangmah kha lam a lo hmuh tu thil pawl an si.

         Thilsual mi zate cun nangmah kha sunnak pe dingah a si lo. A ngaingai ah cun nangmah kha thatnak lamah ziangtin feh ding ti mi kha in zirh mi a si.

         Zuam nak zate cun nangmah kha thin thanau ter dingah a si lo. A ngaingai ahcun nangmah kha hlawhtlin nak kha zingtin kan la ding ti mi in zirh duhnak a si.

         Olte ih na thlahphoih lo a si le ziang hmuahhmauh cu na kut sungah asi. Mi pakhat ih thiltuah nak ruangah mah kha kan tuar ko nan mai tuah nak ruangah mi pakhat kha siatsuah ter hlah.

         Mi pakhat ih tongkam ruangah mai thinlung a har ko nan mai tongkam ruangah mipakhat kha thinhar ter hlah.

         Mipakhat ruangah mahkha mitthli a tla konan mah ruangah mipakhat kha mitthli tla ter hlah.

         “Leilungpi ah mi zate cu a sang nak thleng dingah lilawn an pal. Asinan cui lilawn pawl cu lungawi thu sim ding cu an thei lo”

         “A sangnak ih a zam rero tu khau cu hridai thawn ten in leilungihsin a kai ih a zoh rero tu kha an hngilh theu.”

         “Mai nungram ih man ziangtin ka cang ti mikha khuitawk hmuh na thlen khal le ziangvek dinhmun na thlen khalle hngilh lo ding a thu pi bik asi.”

         Lolak ti mi cu a mah ten a um a si le man a nei lo tin kan ruat ding. Asinan a hmai lam ih no. numbat pawl kha man a sang bik si dingah a tuah thei a si.

Tetdancho