Ral bawipa pakhat cu king leh nak ah arak thiam zet. Zohman in an neh thei dah lo.

    Nikhat ah ralbawipa cu a ralkap pawl thawn raldo ding ih an feh phah ah khuate pakhat kha an pal phah. Cui khua ih innte pakhat ah “ an rampi sung ih king leh nak ah number one” tin caa an tar mi kha a van hmu.

           Ral bawipa cun a zum lo ruangah inn nei tu cu a va hawl ih king leh an zuam aw ih inntek pa cu voi thum rori a sun ruangah ralbawipa cun hniphah in asim.

           “ Haaa Na caa tar mi kha thlak thlang aw” tin thin diriam zet in ti phah in ral do nak lam cu an pan.

           Rei lo te ah ralbawipa le cu ral an neh ruangah an ram ah an ra kir sal ih cui khua an thlen tik ah caa tar mi cu a hlan a hmun kel ah a um lai kha an va hmu sal.

           Cu tik ah inn tekpa cu a va tong sal ih neta zuam aw sal ding ih a tong phah ah an lek sal. Tui tum ahcun ralbawipa cu veithum rori a sung. Ralbawipa cu amang a bang zet. Cu tikah inntek pa cu ziang ruangah tin a sut.

           Inn tek pa ih asim mi cu “ a hlan ahcu nang ralbawi cu ral va do lai ding tuanvo tumpi na nei. Kei mai dinhmun in nang ralbawipa kha thinnau dingin na thinlung lo nat ter ding ah a rem lo.

           Tuitum ahcun nang ralbawipa cu ral neh in nan ra tlung zo ruangah kei mah khal ka thiam nak thuh a tul nawn lo”.  A thiam ngaingai tu ti mi cu neh nak aco thei ko nan a tul lo nak ih neh nak lak lo cu mi pakhat ih thinlung kha khaisan sak tu thinlung ruah nak kau tu pakhat asi.

           Veikhat veihnih mah in a tul lo nak ih sun nak kan pek nak cu mi pakhat ih thinlung kha nuam nak kan pek nak asi.

           Mah in a nih kha sun nak kan pek asi le a nuam awk vek in mah kha thin di a riam.

           Hmuh ton nak nunram ah khal cu vek thotho asi. Theih a si khal le a tul lo nak ah tong a tul lo. Tong lo ti mi cu theih lo ruangah khal a si lo. Midang kha kan nuam ter duh ruangah a si.

Credit: အောင်သင်းစာပေ