RVA Falam Service/ November 9, 2026
Pope Francis ih suahnak ram a si mi Argentina ramih a thlen laiah Pope Leo XIV cu rampi hruaitu pawl thawn tonawknak an nei ih nunphung nun ramah mipi pawl, innsungsang pawl le mipi hrang thathnemnak pawl kha thupit dingah a rak forhfial.
Buenos Aires ih um mi Palacio Libertad Hall khanah thu a sim laiah Pope in mino pawl hrangih a tha deuh mi thilti daan pawl tuahsak dingah a cozah hnenah a rak forhfial.
Cuihlei ah mino tampi cu an mai thilti theinak kha a dang ram pawl ah tuah suak thei dingah ziangah mai ram hi an tansan ti khal in a rak sut. Cuihnuah hmailam santhar nonawn pawl parah ram, ram khat ih tuanvo laknak thawn pehpar in khal a rak sim hnuah a suak hrih lo tu pawl ih nunnak khal humhim in kilhim dingah, fimthiamnak tamdeuh in tha ter dingah le kum upa pawl humhim in kilkhawi dingah a rak forhfial.
Sumdawnnak thawn pehpar in khal pursumleilawnnak ih thansonak ih that hnemnak pawl cu in le ei hrangih harsa zetin a hawl tu pawl hnen thleng ter uh tiah thupit in a rak sim. Cuihleiah sumdawnnak cu minung pawl hrangih that hnemnak hrangah siseh, minung pawl cu sumdawnnak hrangihhman mi si hram hlah seh” tiah a rak sim.
Cui hnuah ramkhel thawn pehpar mi thurel tlangnak pawl tam deuh in cak ter dingah pawlkom pawl cak ter dingah le komkhawm ih tuah mi misual pawlkom, eiruknak le minung thawn sum tuahnak pawl doral dingah ram khat le ram khat karlakah komkhawm in tuah nak pawl khaisang dingah khal a rak forhfial.
Source- Shalom world news
