Mithianghlim Isaac Jogues le a rualpi pawl
(1641-49) (October-19)
Saklam America ih a hmaisabik Pathian hnatuantu martyr pawl a si mi Mithianghlim Isaac Jogues le a rualpi pasarih pawl cu France ram ih um Jesuh pawlkom (Society of Jesus) ih pawlkom sungtel pawl an si.
An mah pawl cu America mi le Canada ram ih um Huron le Iroquois Irian miphun pawl cu Pathian thuthangtha phuang dingih thlah mi an si.
Cui miphun pawl ih tong an zir hnu ah Pathian thu ruah daan ca uk pakhat a ngan ih harsat nak phunkim cu thinsau ten a tuar ih thatho ten cui ruah nak pawl zirh nak a rak thok. An mah cu tu le tu ti vek in an lamhmuh mi pawl ih lon nak le tan san nak pawl an tong.
Cu vek in voikhat voihnih ah tlaser pawl, ti man pawl tan thei dingah lawng pawl an mah rori ih voi tampi an zawn caan khal a um. An hlawhtlinnak pawl cu mi hrekkhat miphun hotu pawl ih nah siik nak huat nak pawl a can ter.
An mah pawl cu an miphun pawl par ih a thleng mi harsat nak pawl ih a cang ter tu pawl ah sual an rak puh.
Kum 1642-1649 tiang a rei mi hremnak pawl cu Pathian hnatuantu pawl in thal thawn sai ih thah nak siseh, hrem ih thah nak pawl an rak tuar.
Mihrekkhat cu nung cing in mei ur an tuar vek in mi hrekkhat khal cu Tomahawk thawn lu an tan ih an lu pawl cu an rak tar. Canada ram, Pathian hnatuantu martyr pawl ih ralthatnak cu a hmin than vek in Indium miphun pawl cu an ral that nak dingah upat tlak pawl ih thi in nak dinhmun tiangin a rak cang ter.
