Paris ram kilkhawi tu mithianghlim Denis cu kumzabi pathum karlak ah Italy ram ah a suak. Kum (250) ah Pope Fabian Cu mithianghlim Denis thawn a dang Bishop paruk thawn Pathian thu phuang dingin France ram ah an thlah. Cu tawk ah Denis cu Paris khuapi ih a hmaisabik Bishop ah tuanvo an pek. Minung tampi thleng awk ter thei nak huham a neih ruangah an mah cu ruah nak nei lo milem biak tu Siangbawi pawl in a mai dungthluntu pawl thlau thlak ding an phang ngaingai. Cu mi pawl ih forh nak ruangah Rome uk tu in Pathian hnatuan tu pawl an zaten an kaih theh. Reipi thawng an thlak hnuah Denis le Siangbawi pahnih cu an luu an tan sak.

          An ruangah Siing tiva sungah an hlon ih cui tikua thotho ah midang pawl in an rak lak. An thlaan um nak cu “Mithianghlim Denis Christian Siangbawi tlawng” hrangah a hram thok nak a rak si ta. Cui tlawng cu France Siangpahrang pawl hrangah an phum nak ah a rak cang.