RVA Falam Service/ October 7, 2026
Pope Leo XIV in hnatuannak sungih a cang mi buainak pawl fiang ternak ah thurel tlangnak cu thupit in a rak sim ih Vatican sungah nunau pawl tel in tuahnak khal tamdeuh in lungkim pi ih thupit dingah a tul thu a rak forh fial.
Pope in Women in the Vatican Association le Vatican ih hnatuantu vuanthan pawl (pawlkom (ADLV) aiawh tu pawl hnen a simnakah Vatican sungih nunau pawl ih telnak cu man a nei zet mi a si ih tamdeuh in lungkimpi a tul” tiah a rak sim.
Nunau pawl ih telnak hmun kha man hla zet ih retnak
Nunau pawl cu ” milai pawl le pehtlaihnak pawl par a hleice in an theih thei lawng si lo in nunau pawl ih hmuhtonnak le zohfelnak pawl ih a suak mi minung ngaingai sinak a si mi pumcawmnak thawn pehpar mi thiamnak pawl zate khal an keng a si. Cuihleiah nunau pawl ih thiamhleice nak, thuthen thiamnak, tahthiam theinak le a ngaingai ih naihniamawknak pawl cu Vatican pawlkom pawl ih nunram kha tamdeuh in a tha ter a si. Ahleice in thuak lem fimnak ဉာဏ်ရည်တုနည်းပညာ (Artificial Intelligence – AI) a thangso zet mi tuisan ah milai ih aiawh thei lo mi a thupit nak le hnatuannak ih hrial thei lo mi sinak kha thupit in a rak sim bet.
Pope in a mai ngan mi Magnifica humanitas ta kha sawhkhih ih hnatuannak cu thilri pakhat lawngvek a si lo. Hnatuannakin kan mai nunram ih sinnak kha a lang ter ih tam deuh in in thangso ter a si” tiah a rak sim.
Ahleice in Vatican sungah a hrampi ih man a nei zet mi ” kiangkap le lungrualnak ” pawl kha a hleice in thupit dingah a tul thu Pope in a rak sim.
Hi mi pahnih cu kan hrangah a thupit tuk thu khal a rak sim
Pope ih tumtahnak kha mai hnatuannak in a bawmtu zaten Pawlpi ih sungah phuaih a si zo ih Pathian in Dungthluntu Peter le a dotdot ih Pope pawl hnen a ap mi mission tuanvo ah an tel a si tiah Pope in a rak sim fiang.
“Minung sinak vekin zaten kan bangaw ih pakhat ciar cu a bangaw mi mission tuanvo hrangah mai sinak zawn in an tel” tiah a rak sim.
Riantuantu pawl ih pawlkom cu hi thinlung khaisannak ah a thupit mi a khan ah a tel thei ko nan pahtlangnak lole buainak cannak lam ah peng lo dingah a tul thu khal Pope in ralrinnak a rak pe.
Hnatuannak sungah buainak pawl a can tikah ” zumawknak le tuahser theinak in reltlangnak” cu hmailam feh dingah a thupi mi lamzin a um ding tiah Pope Leo XIV in a rak sim.
” ziangtin kimah thurawn awknak kha a thar in nung ter dingah zuamnak cu keimah capi suah mi ah Pawlpi zate le thinlungtha mipa, nunau pawl zaten hrang thubur duh mi a si” tiah Pope in a rak sim. Cu mi cu Pawlpi ih kawhnak ah anetnakah Pope in” kan zaten hmun khat ah hi lamzin kha feh phah ah minung pawl kha hmannak um lo hnonnak um lo mi hnatuannak kiangkap pakhat din dingah kan zuam tlang pei.
Pakhat le pakhat bawmawk in mitin ih man le an thilti theinak kha ngamhnget a tul. Lungkim lo nak le duhlonak thinlung pawl a cang ter thei mi ci pawl khal hrial a tul” tiah a rak sim.
Hi mi thuthang cu Vatican thuthangin kan ngan mi a si.
Crd: Vatican News
