Nunram ah
- Mah sual lo nan sim fiang nak caan ngah lo ruangih simfiang suak lo mi thudik pawl a rak um.
Nunram ah
- Veikhat veihnih zoh men ti lo bak zianghman rak tuah theinak mi thil pawl a rak um dah.
Nunramah
- Mi neh sawh tu pawl ih tongkam ruangah phoi a har mi thal fung ih sin vekin harsatnak pawl a rak um dah.
Cuangah Mai kiang um peih lo ih a suak tu pawl kha veikhat te tal ka zoh ta dingtin ka ruansan nawn lo.
Hni siamsi tei in zoh tu pawl kut ih nam cu kan dunglam in sin nak dingah maw? Kan awm in sin nak dingah saw? Ti khal ka zoh kir nawn lo.
Kut in san ding vekvekih in tan san tu pawl ih a rawng thleng aw thei mi thinlung sungah zawngruah nak thinlung fate tal a um pein awn ti khal ka zoh kir nawn lo.
A ngaingai ah cun hrekkhat cu mit ih zoh khal le hmuh a theih lo mi pawl kha thinlung sungin kan rak hmu zo a sisi.
