Kanmah pawl cu Pathian ih miphun kha kan nunram zate thawn rian dingah kawh mi kan si.(April 2, 2026)
Thianghlim Tlawngkai nili zan ah Papal Basilica of St. John Lateran ih tuah mi Bawipa zanriah Missa raithawinak caan serhah Pope Leo XIV in a mah tuanpi a si mi Puithiam pawl hnen Pathian ih miphun pawl kha mai nunram zaten pe in rian ding asi thu a rak sim. Cuihlei ah leitlun pumpi ah zohsuamnaknak le nehrawknak a tam mi tuisan ah kan ni khal nehrawk a tuartu pawl le tul samnak neitu pawl kiangah bangran ten dinpi ding khal a thupit thu arak sim.
Hi leitlunah that lonak tampi karlakah Jesuh in kumkhua a hmun mi a duhdawtnak thawn in duh a si”tiah Pope Leo XIV in a rak sim. Cu mi cu Papal Basilica of St. John Lateran ah Holy Thursday Missa raithawinak sungih a rak sim mi asi.
Bawipa cu kan mah pakhat ciar ih ke kholh dingah a khuk a bil.
“Duhdawtnak ruangah” tiah Pope Leo in Bawipa Jesuh cu a dungthluntu pawl ih ke a kholhnak thil cang mi ruahsalnak ah thuk zet in a rak tarlang. “Bawipa cu kan mah pakhat ciar hrangah a khuk a bil ih ke a rak kholh; cuihleiah a mai Pathian lam thawn pehpar mi laksawng cu kanmah hnenah a thleng ter” tiah a rak sim. Cuitlunah Bawipa cu tidai, khuat le kehnulnak puante a hmannak in in mihmuh mi thil cu a menmen mi thil ti nak hnak in a thuk ih a mai nunram ih ti daan pawl kha zumtu pawl hnen in pek nak thu khal a si thu thupit in a rak sim.
Jesuh cu saal sinak kha cohlangih a rak kennak in a Pa Pathian thawmhuham a rak thang ter tiah Pope Leo XIV in thupit in arak sim. Cumi thil in kan thinlung sungah tuletu in palhter tu khawvel ti daan pawl kha a linglet in in tuah sak asi ti khal in a rak sim.
Bawipa Jesuh ih ke a rak kholhnak le Sanghlom a rak phelnak in Eucharistic (a mai thi le sa) a rak dinnak thu hla pawl a ruah tikah Pope Leo XIV in Jesuh Khrih ih tuahnak cu a mah le mah a zaten kimzet in a rak nak thu thupit in a rak langter. Cuvekin Puithiam pawl khal mai neih mizaten riantuan dingah kawh mi an si thu ralrinnak a rak pe. “
Duhdawtzet mi Puithiam ka nau le pawl kan mah pawl cu Pathian ih miphun pawl kha kan nunram zate thawn rian in pumpe dingah kawh nak ngah mi kan si” tiah rak sim.
“Bawipai duhdawtnak cu minung ih thatnak lole thianhlimnak hnakin a hmaisa in a um thu kha Pope Leo in thupit in arak sim. Amah in induh hmaisa ih cui duhdawtnak in kan mah kha in ngaidam ih in remsak a si” ti khal in a rak sim. Cuihleiah a duhdawtnak cu kan mai zaangfahnak cohlannak hrangah laksawng a silo ih kan mah in duhdawt ruangah a thian hlim ter ih a duhdawtnak kha in rul ter thei asi” ti khal in a rak sim.
Pope in Puithiam pawl kha Jesuh hnen in khat le khat rian awk daan kha zir dingah a rak forhfial. Bawipa in kan mah kha pe aw sal dingah in dil lo ih a mai laksawng kha khat le khat karlakah hlawm aw dingah a duh” tiah a rak sim.
Khrih ih tuah daan vek thlun in Pope Leo in Missa raithawinak ah Puithiam 12 ih ke a rak kholh sak. Biakthawinak a cem zawngah Pope Leo XIV in Blessed Sacrament (Bawi pa Thi le Sa) cu Saint Francis Chapel ah a rak ret. Hi mi thuthang cu Vatican thuthangin a tawizawng le a remcang thei bik dingih kan ngan mi a si.
