Ziangruangah Holy Thursday ni ah Bawipa thi le sa retnak innte a lawngin ret asi?
Holy Thursday (Thianghlim tlawngkai nili zan) Missa theh hnu biakinn sungah Tabernacle cu a lawng ih Pulpit kha thingzet vekin ruah a si theu. Mitam pi hrangah hi caan hi a lamdang hleice ih veikhat hnih cu thinlung sungah phunkhat a cang ter theu. Asinan hi mi tuah nakin duhsan a nei ih zumtu pawl hnen Jesuh Khrih an kaih zaan thu kha thukdeuh in ruat in mangsal dingah a si.
Hi mi tuah daan cu Holy Thursday ah “The Lord Supper” Bawipa zanriah a cemnakah thawh a si ih Thianghlim ni nithum sung (Triduum) ih a hmaisa bik ni asi.
Ziangruangah Tabernacle (Bawipa thilesa retnak innte) kha a lawng in ret a si?
Jesuh an kaih nak kha langternak hminsinnak a si.
Bible cathianghlim sung Jn 18:12 ah “Rom ralkap cu an hotu ralbawi le Judah mi palik pawl thawn Jesuh cu an kai, an tem hnuah, hmaisabik ah Annas hnenah an feh pi” tiah a sim.
Holy Thursday (thianghlim nili zaan) ah Jesuh cu an kai ih an hruai. Tabernacle a lawngih retnak in Jesuh an kaih ruangah a um nawn lo caan kha langpang dingih hmuhnak a si. “Bawipa an hruai zo” ti mi thingzet ih ralrin peknak asi.
2. Jesuh thawn thlacam dingih sawm kan si.
Eucharist (Bawipa thi le sa) kha a dang hmun ih thawn a si hnuah Tabernacle cu ong in ret asi. Hi mi cu Jesuh in Germany hmuan sungih a rak sim vekin “Hi tawkah rak um uh la inhngak uh” (Mt 26:38) zumtu pawl in Bawipa ih zonzaih harsatnak thawn um dingah in sawm a si.
3. Pawlpi ih riahsiatnak tiku caan a thawhnak.
Holy Thursday ihsin Easter Vigil (Zarhte zaan khawmnak) tiang,
1.Pulpit ih ret mi pawl puan pawl a mawinak pawl lakhlo nak.
2.Daite ih umnak
3.Tabernacle a lawngih retnak
Hi mi pawl hi riahsiatnak langtertu pawl an si. Kan duhzet mi sunnak ih ruahnak caan khat asi.
- Thawhsalnak hrangah thinlung remnak
Hi mi a lawngih umnak cu a si ringring lo. Netaah Jesuh ih ruak retnak Thlan khal a lawng ding asinan ruahsannak thawn a khat mi lawngnak a si. Daite umnak lole thingzet ih umnak ih a ralai ding mi lungawinak kha tamdeuh in duhsan a nei ter a si.
Tabernacle kha Holy Thursday (Thianghlim tlawngkai nili zaan) ih a lawngih retnak cu
- Jesuh kai a tuarnak mansalnak
- Thlacamnak ah Bawipa thawi um tlangnak ih sawmnak
- Bawipai zonzaih harsatnak ah thuk zet ih ton theinak kha a duhsan a si.
Veikhat khat cu daite umnak le a lawngih umnakin ara lai ding mi nehnak hrangah thinlung a remsak a si. Hi mi cu Catholic Dailies sungta kan ngan mi asi.
