Pope in Donald Trump tel in leitlun hruaitu pawl hnen ralbuainak cem ter dingah tidaan hawl in tuah dingah forhfial.(March 31, 2026)
Thuthangla tu pawl hnen a simnakah Pope Leo XIV in leitlun hruaitu pawl hnen thurelnak cabaui ah kirsal dingah le buainak pawl kha thurel tlangnak ihsin rem dingah a rak forhfial.
A mitu rei lo te ah Donald Trump in ralbuainak a cemter duh thu a rak sim kha ka rak thei. harsatnak phunkim lak in suak thei dingah a mah in a hawl ko ding tiah ka ruahsan.
Doawknak le vanzam thawi bomthlaknak pawl malter theinak tidaan pakhat khal a hawl ko ding tiah ka ruahsan. Hi ti vekih a tuah thei a sile hmaiton ih doawknak le huakawknak pawl kha malter nak ah a thupi mi bomnak pawl a si dingih a tu caanah nisuahnak alaifannak hmun le a dang hmun pawl ah pehbet in a thang rero mi huatawknak pawl kha a malter thei ding asi.
Pope Leo XIV in Easter thlen hlan nimal te sungah ralbuainak le tuahmawhnak pawl ruangih hriamhma a ngah tu leilungpi hrangah remdaihnak ngah dingah a rak forhfial bet.
March 31 ni zanlamah Castel Gandolfo ah thuthang latu pawl a simnak ah Pope Leo in leitlun hruaitu pawl zate tisan in “thu rel tlangnak ah ra kir sal uh” Thurel tlangnak in buainak pawl kha rem theinak ti daan tha pawl hawl uh si. kan mah rori ih ka thangphawk mi doawknak pawl kha malter thei nak tidaan pawl khal hawl tlang uh si. A hleice in Easter tikcu caan ah remdaihnak cu kan thinlung sungah um thei hram seh” tiah a rak forh fial.
Easter puai cu kumkhat sungih a thianghlim bik ni le a thupi zet mi tikcu caan a sithu kha Pope Leo XIV in ralrinnak a rak pe. Cu mi cu remdaihnak ih caan khat a si ih thuk zetih ruahsalnak tik cu caan khal a si tiah a rak sim. A sinan tuni leitlun hmun tinah zonzaih harsatnak pawl, thihnak tampi a cang ih sualnak nei lo nauhak pawl khal an tel thu sawhkhih in a rak sim.
Kei in remdaihnak hrang pehbet in ka forhfial rero nan vansiatnak ah mihrek in huatawknak, doawknak le ralbuainak pawl khaisan an duh tiah Pope Leo in thupit in a rak sim.
Curuangah minung zaten a hleice in Christian pawl “a tui tikcu caan cu Khrih Jesuh cu tuini tiang Thianglamtah parah a tuar rero lai ih sualnak neilo tu pawl lakah a hleice in doawknak, huatawknak le ralbuainak ruangah thinna ih umtu pawl sungah Bawipa in a tuar rero laithu kha thei in nung dingah” a rak forhfial.
Kanmah pawl in an mah hrangah ralbuainak ih harsatnak a tuartu pawl hrangah thlacam sak uh si. Mi zate hrangih nunnak thar a pe thei ih a hman mi a thar in remsalnak remdaihnak pakhat cang suak thei dingah thlacam tlang uh si.” tiah Pope in a rak forhfial. Hi mi thuthang cu Vatican thuthangin a tawizawngin kan ngan mi si.
