Keimah kha Rome khua ih Bishop le Pope ih in rak hril lai ah kei mah kha ruahnak thawi lam in hmuh in in kilkhawi dingah le hmin rak lak mi, hi ca ngan dingih in forhfial tu Mithianghlim Francis lam ruat lo in hi ca hi ka ngan thei lo a si.

Mithianghlim Francis cu ol te a siat thei mi kiangkap kha thazet in a rak kilkhawi ih, A famkim zet mi kiangkap kha a lawm ih lungawi zet ih a rak um tu a tumbik mi zohthim tlak thazet pakhat asi tin hngekkhoh zet in ka zum a si.

Mithianghlim Francis cu kiangkap kilkhawi nak thu lam a rak zir tu, kilkhawi nak lam  a tuan rero tu pawl kha kilkhawi tu Mithianghlim asi ih, Kawhhran tinkim ih minung pawl in upat ttihzah nak  co tu Mithiaghlim khal a si.

Mithianghlim Francis cu Pathian ih sersiam mi rannung zate le farah pawl le hnon  atuar tu pawl kha a rak duhdawt tu asi. A nih cu a lungawi nak kha siang zet in le a mai nunram kha tangdor nak thawn mi that nak ding hrang a tuah nak, Thinlungtha a neih ruangah mitampi ih duhdawt nak kha a rak ngah a si.

A nih cu Pathian thuruat tu asi vekin, a nih cu farah harsa zet in dingfel zet in a rak um ih, Pathian thawn siseh mai minung pi pawl thawn khal siseh, kiangkap thawn khal siseh, a mai thinlung thawn khal siseh bangran te in a um tu Pathian bia khualtlawng pakhat khal a si.

A nih cu kiangkap kha a ngaisak nak, mifarah pawl hrang dik zet ih thuthen nak an ngah thei nak dingih a rak tuan nak le minung ih thinlung sung ah thinnuam tei um nak cu thleidang a thei lo mi hri vekih an peh awk thu kan nih in tetti kan piah a si.

Laudato Si’ no. 10