Fale pawl hnen zirh ding mi sumdawn thiamnak ding daan then (20)

1. Fale pawl hnen Sumpai ih man hlat zia zirh aw. Sumpai hawl a har thu, nulepa pawl in ziangtluk bang in an hawl thu thei thiam dingah fimfiang aw. Kumli an kim ih sim thok an tul asi. Tahthimnakah nau in lehnak zuk pawl lei a duh a sile lehnak ding zuk pawl kha ziangzat an man ih a cem ding, cui sumpai ngah dingah nulepa pawl in ziangtik vek in hnatuan a tul thu sim fiangaw.

2. Sum khawl daan zirh aw. A cang thei le ngah mi hmuk leinak sungin ziangzat na khawl thei ih a tang mi sungin remcang dingih hman daan khal zirh aw. An nauhak lai in an hmuk leinak ih an ngah mi kai ter aw. An ngah mi sungin khawl daan zirh an tul asi.

3.Sum ngah mi hminsin daan khal tuah ter an tul asi. Kum 8 hrawng an kim thok in cauk ah ngan ter le a tha. Cui mi lawngah sumpai hman daan an thiam ding a si.

4. Ngah mi sungin a hman ding daan zirh aw. Thla tin an ngah mi paisa kha ziangzat hmang dingih ziangzat kha khawl in hman tul tuknak tikcu caan a rung thlen tik ih hman dingah zirh an tul. Atul lemlo in heuheh lo dingah lam hmuh an tul a si. Tahthimnakah- Tlawng hrang ih a tul mi ca uk, ball pen, kehdan pawl kha thupit in lei thiam, hmang thiam dingah zirh an tul

5. Thil zuar le lei nak ih a tul mi pawl khal zirh aw. Kum 10 hrawng an kim cun thil zuar le lei daan ih a tlangpi ih a tul mi pawl zirh an theih zo a si. Paisa khrih daan, a man tuak daan, thilri parah a that a siat daan khal, thil lei tu pawl hnen sim thiam dingin zirh an tul.  

Nauhak pawl ih inn ih an tuah mi sumdawn daan pawl tha pe aw.

6. Sumpai cawisan nak thawn pehpar mi theih kauhnak fimnak zirh an tul. A tul tuk lo nak ih sum cawi tikah tangka thang pek a tul thu, leiba a tam cun harsatnak ton a ol thu, sumpai cawi ih hnatuan tikah a kaih le kaih lo tuat thei mi a hlawk nak um mi hnatuan tuan peh thei nak ding hrang lawngah a si thei thu, a tul lo nakah sumpai cawi lo dingah zirh aw. Tangka thang tamtuk mi sumcawi tik ih a that lo zia pawl zirh an tul asi.

7. Sumdawnnak ah Tangka tthang lole dingih paisa phum a tul daan zia zirh aw. Kum 12 an kim ah hrawngah sumdawnnak hrangih Paisa zin a tul zia zirh thok aw. Bank ih Paisa tthang, Paisa ziin phum thiam ding daan pawl khal a cang thei le simfiang aw. A sung le a hlawk thu khal zirh an tul asi.  

8. Sumdawnnak ih thlun tul mi daan pawl khal zirh an tul a si. Tlaitluannak, zuamnak, tuanvo lak thiamnak, mai lungkim mi parah a tak ih tuah thiam nak ih thupit zia pawl khal zirh an tul asi. Bumawknak, hmansualnak pawl ruangah sumdawnnak a siat thei thu tahthimnak pawl khal sim in zirh aw.

9. Hnatuannak ih manhlat zia khal thei ter aw. An nauhak lai in hnatuannak ih man thei dingah zirh aw. Inn lam hnatuan pawl an tuan tikah laksawng peknak lole mai thazaang ring ih sum lak luhnak pawl tha pe aw.

10. Pursumleilawn daan thei dingin zirh aw. Sumdawnnak ih zuamawk a tul zia, a lei daan, a zuar daan pawl, thilman kai le tum pawl thei thiam dingin sim fiangaw. Sumdawnnak ih thuthang pawl, Siipuazi Journal pawl siar thiam dingah sim fiang aw. Sumdawnnak ti daan phunphun ah maihrang hlawk nak hawl daan, hmuh daan thiam ding khal zirh an tul.

11. Mi neinung sinnak lole Liannak ih a san khal zirh aw. Sumpai lam ih neih nung a tul vekin thinlung daihnak khal a thupit zia zirh aw. Sumpai hmangin mai hrang le midang hrang khal ah thathnemnak tuah thei dingah khal lam hmuh an tul a si.  

12. Sumdawnnak ih ti daan pawl khal hmu thei dingin zirh aw. Nitin an nunramah sumdawnnak ih thilti theinak pawl ah ralring thiam dingah zirh aw. Tahthimnak ah mai umnak kiangkap ah ziang mi Dawr a um hrih lo ih ziangvek hnatuan nak a um hrih lo ti mi tiang khal in zoh thiam thei dingah zirh aw.

13. Sumdawnnak ah ziangtluk in ngaiven a tul zia khal zirh aw. A sung le a hlawk tuat thaim dingin harsatnak pawl a hlankhan in hmu thiam thei dingah zirh aw. Sumpai malte ih phum in a tuah thei mi hnatuan pawl khal hniksak in tuah ter aw.

14. Digital sumpai ti daan pawl thu khal zirh aw. Mobile Banking pawl, Digital Payment pawl, Online Shopping pawl ih a thupit zia thawn pehpar mi pawl khal a cang thei le zirh aw.

15. Akhuun pek daan pawl khal zirh aw. Damsung pek ding mi Akhuun pawl thu zirh aw. Mipi pawl ih sum kha rampi in ziangtin a hmang ih akhuun pektu mipi pawl in ziang mi an ngah thei, Akhuun pek nak ih thathmennak pawl khal simfiang aw.

16. Paiasa kharhtuknak pawl thei thiam dingin zirh aw. Thilman a kai le Paisa man a tum daan, khawl mi paisa pawl kha a man a mal zia pawl khal simfiang aw. Sumpai man nei lo nak kilhim dingah sumziin hman daan pawl khal a cang thei le sim fiang aw. 

17. Hnatuan thekawk nak ih a tul mi tidaan hrampi pawl zirh aw. Acozah hnatuan peknak, cazin kaitu, thilzuar daan hawl thiam theinak pawl khal zirh aw. Sumdawnnak tuah daan, a thupi tuk dinhmun pawl hrangah tuandeuh ih tidaan pawl khal zirh an tul.

18. Thil tuah thiam thei daan pawl thiam dingin zirh aw. Mai thil lei theutu pawl upat thiam theinak, thate ih tuah sak thei nak, ruahnak peknak cohlan daang pawl khal zirh aw. Sumdawn nak hnatuan ti mi cu mai tuahnak thawn mai thil a dawrtu pawl ih an tulnak pawl an tluan theinak dingah tuahsak a si ih mah dawrtu pawl ih sumdawnnak a that thei ding tiangin a thupit thu simfiang aw.

19. Sumdawnnak ah thubotcat thiam dingin zirh aw. A tul mi pawl khawl khawm in thubotcat thei dingah zirh aw. A hlawknak lawng zoh lo in nunphung kiangkap, tuanvo pawl khal tel in ruat thiam dingah zirh aw.

20. Sumdawnnak ih harsatnak pawl khal pahthiam thei dingah zirh aw. Sumdawnnak ih harsatnak pawl tih lo in pah thei dingah zirh aw. Sunglam a pan khal le tla ta lo dingah zirhthiamdingah le dinsal thei daan pawl khal lam hmuh aw. A thupi tuk dinhmun ih hman ding mi sumpai pawl a dangten khawl thiam ding a thupit zia thu zirh aw.

Respectfully Crd: Original Author.