Pope Leo XIV in ralbuainak atcilhnak tikcu caan karlak ah kanmah pawl cu minung nunram kan humhim a tul. (March 25, 2026)
Bawinu Maria hnen ih Vancung mi in fapa na nei ding ti ih thu a rak thannak puai ni March 25, 2026 ni ah cui ni ih a hman a si mi Poland ram ih Sanctity of Life ni ah Pope Leo XIV in ralbuaknak atcilhnak in a khat mi tikcu caan karlak ah nunnak a thok mi pumsung naute ihsin thok in kiangkap tiangin humhim a tul tiah thupit in a rak sim.
Raldonak atcilhnak in a khat mi tikcu caan ah nunram kha pumsung naute ihsin kiangkap thilri tiangin humhim dingah a thupi tiah” Pope Leo XIV in Vatican ih tuah mi Tlawngkai nithum ni mipi a ton caan ah a rak sim. Cu mi tong pawl cu Poland ttong a hmangtu zumtu pawl hnen thu a rak sim lai Day of the Sanctity of Life” khal mangsal in a rak sim.
Poland ram ah “Sanctify of Life” ni cu March 25 ni ah an rak hmang theu. Hi ni cu 2004 kum ah Vancung mi in Bawinu Maria hnen thu a rak thannak ni thawn hmunkhat ah hmang dingah an rak ngamhnget.
Pawlpi kaihruaitu pawl hnen Pathian ih thuthangtha kha thinlung thatho zet in phuang dingah le Christian zumtu pawl hnen a remdai mi leitlun pi dinsuahnak ah thatho zetin tel in bawm dingah Pope Leo XIV in France ttong a hmangtu zumtu pawl hnen a simnakah a rak forhfial.
Zumtu zaten hi sawmnak hi karhzai ter dingah Pope Leo XIV in Arabic ttong a hmangtu zumtu pawl hnen “Christian mi tin ten duhdawtnak thawn a khat mi dungthluntu pakhat si dingah le leitlun pumpi ah thuthangtha phuang dingah a ral tha mi Thuthangtha kuat tu pakhat si dingah kawh kan si” tiah ralrinnak a rak pe.
A netnak ah Pope Leo XIV in tuini ih a thleng mi Feast of the Annunciation kha mangsal in “mitin hrangah Pathian ih duhnak kha tuah ringring dingah le man cia in um dingah Bawinu Maria kha zohthim in thlun dingah sawmnak pakhat sihram seh” tiah thla a rak cam sak. Hi thuthang cu Vatican thuthangin kan ngan mi asi. Kan thuthang a rak siartu zate parah Pathian thlawsuahnak um hram seh.
