March 23
Lima khuapi ih Bishop pakhat a si mi Mithianghlim Toribius de Mogrovejo cu kum 1538 ah Spain ram, Majorca khuapi ah a rak suak. Fimthiamnak ih a thiam zet mi tlawngta pakhat a si ih Salamanca university ih daan saya pakhat khal a si.
Kum 1581 ah kawhhran sungih mi menmen a si mi Mithianghlim Toribius cu Peru ram, Lima khuapi ih Bishop tuan dingah tuanvo an pek.
Puithiam cannak pawl hmuahhmuah a ngah theh hnu ah leilung thar pakhat ih Pathian hna tuan dingah a feh. Cui leilung thar pakhat ih miphun hrangah a nunnak cu kum 25 tiang a rak ap.
Cui rei lo te ah an khua tong thiam ko in a rak zir ih Pathian hnatuannak ram pawl ah harsatnak um lo ten ke in a rak feh. A mah cu neh tu Spain miphun pawl ih hmai ah India miphun tingkhat pawl ih caan tha pawl humhim in thla a rak cam sak ih cui miphun pawl cu tikholh nak a rak pek.
Netabik ah a thianghlim mi Mithianghlim pawl an tul ti a thei ih Lima khuapi ah American miphun palw hrangah a pakhat nak Puithiam cannak tlawng a rak din sak.
Mithianghlim Toribius cu Puithiam pawl hrangih sual an puh mi pawl ziang siar lo in cui tlawng cu a rak sak. Mithianghlim Toribius cu kum 1606 ah a nunnak a rak cem a si.
