Budish biaknak in Catholic biaknak ah Baptism sang tu ding Nu pakhat ih hmutonnak thu tawi. (March 19, 2026)
Vietnam ram Hue khuapi ih Siizungpi pakhat ih a dai in a tthingzet mi lampi karlak ah Bui Thi kim Thanh ti mi nu cu a mai nunram ah a sau zet mi zan, khuaruahhar zet mi dinhmun a rak tong. Kumthum lawng a si hrih mi a fanu te cu a hna ah natnak nasa zet a rak tong ih a nunnak hman thinphan ding dinhmun a si ruangah poimawh zetin khuai khan ah an rak hruai.
Thanh cu Budish biaknak thawn a thangliantu pakhat a si ko nan cui tihphannak a ton caan ah a mah cu a pasal ih a biak mi Pathian hnenah thla a rak cam.
2019 ah Thanh cu Catholic zumtu Matthew Phan Van Khi thawn kutsihnak an rak nei. Vietnam ah biaknak bangaw lo in an mai zumnak cio ah um in khat le khat upanak nei dingah lungkimnak an rak nei. An fa hmaisabik cu Budish ah an um ter ih a pahnihnak an fa cu Catholic ah um dingah lungkimnak an rak nei. A sinan siizungsungah cuizan ziang hmuahhmuah a rak thleng aw. “Pathian ka fa hi run ruun aw” tiah Thanh cu thla a rak cam. Amah cu Gospel sungih Matthew 6:31-32 sungah a rak rinsan zet. “ziang ka ei ding, ka in ding tiah phang hlah. Nan tul mi zaten Vancungih nan Pa in a thei a si.” ti mi kha a vungmangsal.
Ahlan ah cun cui Bible cathlang cu a menmen a si nan tui tumah cun cui Pathian tongkam cu a rinsan zet mi ah a cang. Cuihlan thla malte laiah Vung Tau khuapi ah Christ the King zuk kha a hmuh tikah a thinlung sungah hipnak pakhat a rak ngah tiah a sim.
A fanu te cu mangbangza in a damsal tikah Thanh in hi mi cu Pathian ih lehrulhnak a si tiah a rak zum. Pathian in ka thlacamnak I let a si. Zumnak thawn kan dil ah cun a mah in zamrangten in let a si tiah a rak sim.
A innsang pa khal cu thlacam theutu a si vekin a nupi Thanh in Catholic zumnak a cohlangih a lungkim tikah ka lungawi tuk tiah a rak sim. A tu ah Thanh cu Baptism sang dingah a timtuah rero mi catechumen pakhat a si ih tui kum Easter thosal puai ah “Teresa” tiah hmin a la ding asi. A fanu khal cu a reihlan ah “Catherine” tiah hmin pek a si ding a si tiah a sim.
Thanh hrangah hi khualtlawnnak cu biaknak tthawn lawng silo in thinphan lai caan ah tuah mi thukam pakhat ih famkimnak a si ih mi tul nak a ngai sak ih a let thei theu tu, minung kha a thlengaw ter mi Pathian hnen ih tettikhan nak khal a si. Hi mi thuthang cu Shalom world news in kan ngan mi a si.
