Pope in Leitlun hmunkip ih Bishop pawlkom ih president pawl innsungsang thu thawn pehpar mi a thupi mi conference tuah dingah sawm. (March 19, 2026)
Pope Leo XIVnak in 2026 October thlaah leitlun ih Bishop pawlkom pawl ih president pawl komkhawm in a ko ding asi. Tumtah mi cu khat le khat thungai awknak in tuisan ih innsang pawl hnen Gospel thuthangtha kha ziangtin sim ding ti mi kha reltlangnak an nei ding a si.
Amoris Laetitia ti mi duhdawtnak ih lungawinak suah in kum 10 sungah leilungpi cu rangtuk in a thlengawk nak kha ngamhngetnak a si.
Amoris Laetitia ih thuzia Pope in hi ca cu “a tleu mi ruahsannak thuthang” ah a lawm ih a hnuailam vekin thupit in a rak sim.
Innsungsang pawl cu “innsang ih Pawlpi”a si. An mah pawl cu zumnak pehbet in innsangih rohta dingah um lo thei lo mi a hrampi an si. Thungainak cu a thupi bik a si. innsungsang pawl ih lungawinak, ruahsannak le “riahsiatnak” pawl kha ngai sak lo in an thu sim a ngah lo. Pawlpi cu harsatnak a nei mi innsang pawl kha bawm dingah zaangfah lainatnak a nei ih a nem deuh mi ti daan pawl kha hman ding ah a si.
Minung pawl ih tha nemnak, sambaunak parah a zoh daan thlengnak in ngaihsak nak a suak thei. Sambaunak ti mi cu sualnak pakhat a si lo ih “sersiamnak ih mangbangza ih thenkhat pawl an si. Innsungsang pawl cu famkim an si lo zia ngamhngetnak in Pathian ih thlawhsuah pawl ah rinsannak kha tamdeuh in a thangharh ter thei a si.
Tumtah mi cu daizet in a cawl mi nunram kha tan in duhdawtnak thawn a khat ih a thar mi nunram ah ruahsan dingah a si. Santhar mino pawl hnen naihniamnak in tuisan ih mino pawl ih innsang par ih zoh daan ah Pope in a thupit zia a langter.
Pathian ih kawhnak ih mawinak – innsang nei thuthawn pehpar ih kawhnak ih mawi zia kha mino pawl ih duh thei ding zawngin Pawlpi in a thar in langter a tul. Duhdawtnak cu Laitek a nei ih leitlun thawn a kaih aw mi ti daan in a hman mi thu langter nak in Khristian pawl ih thianhlimnak lamzin kha mino pawl ih zoh ban dingah tuah a tul. Khat le khat siatsuah a ol mi innsang pawl bomnak in netabikah hi thu ziangrel lo in a um tu pawl hrangah tuah dingah forhfialnak a si.
Farah zonzaihnak le hmuhsuamnak a tuartu innsang pawl kha a hleice in thupit in bawm dingah an tul. Harsatnak phunzakip lakah nitin tuah mi “a fate ko nan a hman mi duhdawtnak neinak” ruangah innsungsang pawl hnen a lung a awi thu a rak langter. Hi mi cu Vatican thuthang in a tawizawngin kan ngan mi asi.
