Pope Leo XIV in Baptism a sang zotu zaten Khrih hrangah tetti khan dingah a si. (March 16, 2026)
Pope Leo XIV in a mai mipi a toncan Tlawngkai nithum ni zinglam mipi a tonnakah tuizarh ah “Pathian ih miphun” dinhmun in Pawlpi kha tiduhsan mi a si ih a veihnihnak Vatican Council ih Lumen Gentium kha ruatphah in “Baptism a sangtu zotu zate cu Gospel thuthangtha simnak, thehdarhnak hnatuan ah a phur zet mi thazaang burpi a si ih Khrih hrangah mancia in tetti khan dingah kawh mi kan si” tiah thupit in a rak sim.
Pope Leo XIV sim mi a tawizawngin a tanglam vekin kan tarlang asi.
Duhdawt mi ulenau pawl, avei hnihnak Vatican Council thawn pehpar in pehbet in kan zir rero mi thuthangtha ah tui ni ah Lumen Gentium ih langter mi vekin Jesuh Khrih ih Puithiam sinak, Prophet sinak le Siangpahrang a sinakah khawhhran mipi telnak thu kha pehbet in an rak ruat tlang.
Baptism thawngin kan mah pakhat ciar cu Khrih ih Puithiam sungtel si dingah le a hleice in Bawipa thi le sa sacramentu ih telnak in Bawipa ah thlarau in siseh, thukam nak in siseh, biak dingah khawh mi kan si. kanmah pawl cu zumnak ih rinumnak hrangah tettikhan dingah Jesuh Khrih ih Prophet si nak thawn pehpar mi mission hnatuannak ah khal kan tel a si.
Angaingai ih kan ti le Pawlpi ah Bishop pawl in hi tin an rak zirh. “Khawhhran mipi zate cu zumnak ah a sual thei lo. Bishop pawl ih thok in a netabik ah zumtu pawl tiang, zumnak le nun can ziaza thawn pehpar mi thu pawl ah hmunkhat ten lungrualnak kha a lang tikah cu mi cu Khawhhran mipi pawl zate ih a kel hnak ih sang deuh mi zumnak thawn pehpar mi hmuhnak kha langternak asi. (LG,12)
Pawlpi zaten ngah mi hi thlawsuah pawl thawn thiangthlarau cu Khrih ih ruangpi ah famkim ter dingah le dinnak hrangah khawhhran mipi pawl hnen a hleice ih thlawsuah pawl kha a pe a si. Hi ti vekih a tam zet mi thlawhsuah pawl kha kanmah in cohlang dingah le Bawipa ih ruundamnak hnatuanah kan mah kha tel theinak in pek mi Pathian hnenah lungawi thangthat cio dingah a thupi zet asi. Hi mi cu Vatican thuthang in a tawizawng in kan ngan mi asi.
