Pope Leo XIV in Biaknak lam zalennak a khaisannak ruangah Leberty Medal pe. (March 17, 2026)
America National Constitution Center in Pope Leo XIV ih 2026 July 3 ah tuah ding mi a vei 38nak Liberty Medal laksawng peknak ah sunloih in pek a si ding tiah an sim. Laksawng peknak puai cu Independence Mall ah tuah a si ding tiah an sim.
Hi laksawng peknak cu American rampi kum 250 kum hngilh lonak ni hlan nikhat duh ah a si theu. Pope ih nunram tluanah biaknak lam zalennak, a dik le dil lo theih thiam theinak zalennak le zalen zet ih langsar ter theinak pawl hrangih lungkim pinak a si.
Philadelphia khuapi ih Independence Mall ah tuah a si dingih Pope in Vatican innpi ih sin video livestream ihsin lungawi thu a sim ding.
Vatican ih thuthang theih ternak ih lamhmuhtu Matteo Broni in Pope cu hi sunloihnak laksawn hrangah a lungawi thu a rak sim.
Hi caanserh cu mipi le biaknak lam hotu pawl a komaw ter ding ih kan dung a luanzo mi kum 250 in American ram rak dintu paw ih an ret mi daan pawl cu tuisan ih leitlun thawn pehpar mi dinhmun ah ziangtivek in a thupi lai ti mi kha rel tlangnak an nei ding a si.
Pope Leo XIV ih tuannak
Biaknak tinkim ih naihniamnak, 2025 kum May thla ih hril a si lai in Pope cu Jew, Musalem, Christian le a dang biaknak pawl nunphung karlak ah khat le khat upatnak le remdai te ih um tlangnak kha thupi zet ret in a rak sim.
Minung ih sinak, biaknak lam zalen theinak cu zalen nak menmen lawng si lo in a hleice in hmuhsuamnak a tuartu pawl le biaknak lam ah minung malsawn si ruangih hrial a tuartu pawlkom pawl hrangah minung ih sinak kha langternak a si” tiah Pope ih hmuh daan a si.
Remdaihnak le zalen theinak zalen zet ih ruah theinak le biaknak lam ah zalennak a um lo cun remdaihnak a um thei lo thu Pope ih sim mi cu American daan hrampi ih a hmaisa bik timtuah mi (First Amendment) khal humhim thawn a bang aw.
1988 kum ah an rak thawh mi hi laksawng cu leitlun pumpi ih a um mi minung pawl ih zalennak hrangih a rak zuamtu pawl kha sunloihnak a si. Tuikum ih caanserh cu Philadelphia khuapi uktu pawlkom le Pope ih fimnak a rak zir dahnak Villanova University pawl in komkhawm in an rak bawm. Philadelphia ih hi center pi cu minung zalennak thawn pehpar mi a thupi bik ih ruahsannak a si mi American daan hrampi thu kha zohsal dingah, reltlang dingah le sunloih dingah leitlun ih minung pawl kha pumkhawm ternak hmun a si. hi thuthang cu Vatican thuthang in a remcang thei bikin kan ngan mi asi.
